Bioetika Batzordeak askatasun handiagoa eskatu du erresidentzietako egoiliarrentzat
Erresidentzietako egoiliarrek askatasun handiagoa izan behar dutela aldarrikatu du Bizkaiko Bioetika Batzordeak, adinekoen egoitzetan pandemiak izan duen eraginari buruz otsailaren 20an sinatutako txosten baten bidez, Radio Euskadik aurreratu duenez. "Bestela beranduegi izango da", esan dute.
Orain arte hartutako neurriek kutsatzeak saihestu dituztela onartuta, adineko pertsonen sufrimenduan jarri dute arreta, askatasun eskubidea oso mugatuta dutela iritzita.
"Egoiliarren eskubideak erabat mugatuta daude, covid-19arekin lotuta hartutako neurriengatik; bereziki, askatasun eskubidea. Gainerako herritarrengan baino eragin handigoa izan dute haiengan murrizketek", esan dute.
Gainera, erabakirik hartzeko aukerarik izan ez dutela kritikatu dute: "Ez dute askatasunik izan neurriak bete nahi zituzten ala ez erabakitzeko, zelatuta eta baldintzatuta egon baitira. Horietako askok, gainera, ez dute ongi ulertu gertatzen ari zena".
"Horrek guztiak psikologikoki eta emozionalki kalte larriak eragin dizkie. Halaber, isolatuta egoteak eragina izan du haien osasunean, mugikortasuna, estimulazioa eta harremantzako gaitasuna galdu baitute askok. Osasuna gailendu da, baina bizitza kalitatea galdu dute", salatu dute.
Gauzak horrela, erresidentzietako profesionalei, erabiltzaileei eta egoiliarren senitartekoei txertoak itxaropen handia eman die, uste dutelako aldaketarako ordua iritsi dela, alegia, "orain arte galdutakoa berreskuratzeko garaia".
Oraindik, baina, ez dute bukatu txertaketa prozesua, eta, horrenbestez, zuhurtziaz jokatu behar dute. Halere, pozik daude kasuek behera egin dutelako, eta gaixotasun horren eraginak ez duelako orain artekoarekin zerikusirik.
"Itxaronaldi honetan ez gara lasaitu behar, baina zenbait jarrera alda ditzakegu, egoiliarrengan eragindako kaltea hainbesterainokoa izan ez dadin", azpimarratu dute.
Ildo horretan, txertaketa prozesua bukatutakoan neurri batzuk aldatzea proposatu dute:
-Bisita kopurua handitzea eta pertsona gehiagoren bisita jaso ahal izatea.
-Egoiliarrek egindako irteerak luzatu eta malgutzea.
-Zahar egoitzetan bizikidetza taldeak handitzea.
Medikuntza, psikologia, erizaintza, gizarte hezkuntza, soziologia eta abokatutza arloetako 20 bat profesionalek osatzen dute Bizkaiko Bioetika Batzordea.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.