Konfinamenduan hazi egin ziren emakumeen aurkako indarkeria kasuak EAEn
Konfinamenduan, ohi baino dei gehiago jaso zituen indarkeria jasaten duten emakumeei laguntzen dien Satevi arreta zerbitzuak. Bakarrik sentitzen ziren edota erasotzaileen aurrean nola jokatu ez zekiten emakumeen deiak ziren gehienak. Gainera, genero indarkeria kasu horietako asko orduantxe hasi ziren, alegia, etxetik ateratzea debekatuta zegoen garaian.
900 840 111 telefonoan indarkeria matxistaren biktimak artatzen dituen lantaldeak jasotako ondorioak dira horiek, 2020ko jardunaren berri emateko Bilbon egin duten agerraldian zehaztu dutenez.
Beatriz Artolazabal Berdintasun sailburuak emandako datuen arabera, zerbitzu horrek 2.674 dei jaso zituen 2020an (1.961 pertsonak egindakoak); urtebete lehenago, berriz, 2.645. Konfinamendu garaian, 830 emakumek deitu zuten, hau da, martxoa eta maiatza bitartean. Emakume horietatik 422 erasotzailearekin bizi ziren une hartan.
Laguntza eske deitzeko, zaborra jaisteko erasotzaileek egiten zituzten osterak aprobetxatzen zituzten horietako askok, sailburuaren esanetan. Artolazabalek salatu du genero indarkeria dela "genero ezberdintasunaren adierazpen gorena".
Telefono bidezko aipatu zerbitzuak teknika berri bat erabili zuen konfinamendu garaian. Erasotzailea etxean zela deitzen zuten emakumeek klabean hitz egiten zuten, monosilaboak soilik erabilita. Gisa horretako kasuetan, oraindik ere indarrean dago protokolo hori.
Oiane Zarate Sateviko koordinatzailearen ustez, zerbitzua "ezinbestekoa" izan da pandemiak bete-betean jo duen urtean. Kasu horretan, deien % 73,6 biktimek eurek egin zituzten; % 19,4 biktimen gertukoek eta % 6,8 profesionalek. Dei horien % 92, baina, emakumeek egindakoak ziren.
Sateviren txostenak dio Bizkaitik jaso zituztela deien % 55, Gipuzkoatik % 26 eta Arabatik % 16. Artatutako emakumeetatik 13 haurdun zeuden, eta bikotekideak edo bikotekide ohiak egindako erasoen biktima ziren.
Genero indarkeria kasu guztietan tratu txar psikologikoak atzeman zituzten. Gainera, 596 kasutan (% 48) eraso fisikoak egon ziren, 374tan (% 30) ekonomikoak eta 95 kasutan (% 7,6) sexualak.
Albiste gehiago gizartea
135 pertsona bizi dira Donostiako Herrera auzoko fabrika abandonatu batean
Gizonak, atzerritarrak eta adinez nagusiak dira denak. Eraikinaren egoerak kezkatuta, Herripe auzo elkarteak ikuskapena egiteko eskatu zion Udalari. Teknikariak bertaratu direnean identifikatu dituzte Udaltzaingoak eta Ertzaintzak.
76 urteko gizon bat hil da Zarauzko hondartzan
Sorosleek oso larri atera dute uretatik eta, suspertzen saiatu badira ere, ez dute lortu.
Tuberkulosi kasu batek prebentzio eta kontrol protokoloa aktibatu du EHUko Zientzia Fakultatean
Eusko Jaurlaritzako Osasun Sailak eta Osakidetzak 70 kontaktu identifikatu dituzte. Hurrengo egunetan azterketak eta jarraipena egingo zaie.
Gasteizko errefuxiatuen zentroko plazak 200era murriztea ez dela nahikoa adierazi du Melgosak
Nerea Melgosa Eusko Jaurlaritzako Ongizate, Gazteria eta Erronka Demografikoko sailburuaren ustez, Espainiako Gobernuak Gasteizen errefuxiatuak hartzeko proiektatutako zentroaren edukiera 350 plazatik 200era murriztea "ez da nahikoa", eta "harrerako euskal eredua" babestu du, berriro.
Auzitegi Nazionalak ez du onartu Israeli Vueltan boikota egitea egotzita jarritako salaketa, eskumen falta dela eta
Salaketa hori protesta egin dutenen eta erakunde bultzatzaile zein babesleen aurka jarri zuten; besteak beste, EH Bildu, Podemos, Izquierda Unida eta Sumar alderdi politikoen aurka.
Bertan behera geratu da Bilbon hilaren 17rako iragarritako Israelgo enbaxadorearen hitzaldia
Antolatzaileek ohar bat kaleratu dute, eta bertan adierazi dute hitzaldia bertan behera uztea erabaki dutela, "egungo krispazio politikoaren giroari ez laguntzeko, eta erantzukizunez jokatuz, hirugarrenei kalterik ez egiteko".
Nafarroako bizilagun bat ari dira ikertzen TikToken argitaratutako aurreratze arriskutsu batengatik
Guardia Zibilaren Trafikoko Ikerketa eta Azterketa Taldeak aldizka sare sozialetan egiten duen monitorizazioari esker izan dute horren berri. TikToken argitaratutako bideo batean ikusi zuten agenteek noranzko bikoitzeko N-232 errepidean, Errioxa parean, kamioi batek aurreratze arriskutsua egin zuela kontrako erreia inbadituz.
Maritxu Kajoi festan jasangarri eta dotore joateko, bigarren eskuko azoka jarriko du Emausek Arrasaten
Bigarren eskuko azoka zabalik egongo da, Fundazioak Arrasaten duen egoitzan, gaur, irailak 12, 17:00etatik 20:00etara, eta irailaren 20an, 10:30etik 13:30era.
Izena emana zuten zazpi jokalari israeldarrek baja eman dute Sestaoko Xake Txapelketan
Asteon jakin da horietako hiruk ez zutela parte hartuko, eta ostiral goizeko lehen orduan Sestaoko Xake Klubeko antolatzaileek baieztatu dute ez dela Israelgo jokalaririk izango Las Llanaseko pilotalekuan egingo den txapelketan.
Protestek ez dute etenik Vueltan, baina Fiskaltzaren ustez ez dira Audientzia Nazionalaren eskumena
Valladoliden jokatu den erlojuaren kontrako etapan bi pertsona atxilotu dituzte eta aske gelditu dira ondoren. Horrez gainera, beste 15 identifikazio egin dituzte polizia-agenteek.