Zubia: "Egoera ez da ona eta ez gaitezen lasaitu"
Asteartetik aurrera, EAEn, herrietako itxiera perimetrala zabaldu eta erkidego barruan ibiltzeko aukera izango da. Mugikortasunak pertsonen arteko harremana handituko duela ikusita, Felix Zubia Donostia ospitaleko ZIUko zerbitzuburuak eta Euskadi Irratiko 'Osasun Etxea' saioko medikuak gogorarazi du, oraindik ere, "ezin garela lasaitu" eta, besteak beste, "ahal bada, toki zabaletan elkartzea" gomendatu du.
Neurriak leunduta, herritarrak "lasaitzeko arriskua" ikusten du Zubiak, eta, argi eta garbi adierazi du ez dela erlaxatzeko unea. "Badakigu zer gerta daitekeen, eta egoera oso txarra da oraindik. Berez, 15 eguneko epean 100.000 biztanleko 50-60 kasu azpitik egotea izan beharko litzateke helburua. Lau aldiz gainetik gaude. Egoera ez da ona, eta ez gaitezen lasaitu”, esan du.
Etzitik aurrera, aspaldian ikusi gabeko lagun eta senideekin berriro elkartzeko aukera egongo denez, elkatze horiek nola egin behar diren gogoratu du Donostia ospitaleko medikuak, Gabonetan gertatutakoa errepika ez dadin: "Talde ahalik eta txikienak izan daitezela, eta, ahal bada, espazio zabaletan egin bilkurak, ez etxeetan eta toki itxietan".
Bestalde, AstraZeneca etxeko txertoek sor ditzaketen albo-ondorioei buruz galdetuta, Zubiak zehaztu du jende gazteak duen sistema immunologikoaren erantzun handiak eragiten dituela sukarra, buruko mina edota ondoeza, baina lasaitasunerako deia egin du, sintoma horiek 36 ordutan murrizten direla azpimarratuz.
Zure interesekoa izan daiteke
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.
Basauri BEAk barkamena eskatu du, baina argitaratutako bertsioen zati bat zalantzan jarri du
BEAk esan du gertatutakoak ez dituela taldearen balioak islatzen, eta defendatzen du beharrezkoa dela gertatutakoa argitzea, bertsio guztiak mahai gainean jarrita: "Arbitraje-aktan eta argitaratutako informazioan jasotakoa ez datoz guztiz bat gertatutakoarekin".
Dagoeneko auto-ilararik ez A-8an, Bilbon, bi ibilgailuren arteko istripuaren ondoren
Bi ibilgailuk elkarren kontra talka egin dute, eta, hori dela eta, erreietako bat itxi behar izan dute Donostiarako noranzkoan.
Albiste izango dira: Korrika zuzenean, krisi energetikoa eta Pradales-Sanchez bilera
Gaurkoan Orain-en albiste izango direnen laburpena, bi hitzetan.
Bizkaiko futbol epaileek planto egin dute, erasoen ostean: ez dira Basaurin, Portugaleten eta Karabiganen ariko
Arbitroen Batzordeak erabaki du ez duela hiru klub horien zelaietara epailerik bidaliko, zenbait epaileren aurkako (batzuk, adingabeak) irainen, mehatxuen eta erasoen ostean jarrera aldatu dutela ikusi arte.