Musukoen derrigorrezko erabileraren legea aztertuko dute erkidegoek
Pertsonen arteko segurtasun-tartea mantendu arren, musukoa derrigorrez erabili behar dela agintzen duen legea berriro aztertuko dute Espainiako Osasun Ministerioak eta autonomia erkidegoek.
Hala jakinarazi du Carolina Darias Osasun ministroak, Lurraldeen arteko Osasun Kontseiluak gaur goizean bilera telematikoa egin ostean.
Arau berria 2020ko ekainean onartu zen normaltasun berrirako lege-dekretuan oinarritzen da. Orduan abiatu zuten tramitazioa Diputatuen Kongresuan eta joan den martxoaren 18an onartu zuten behin-betiko.
Lege horren arabera, musukoa derrigorrez erabili behar da, baita pertsonen arteko segurtasun-tartea mantentzea posible denean ere.
Gaurko batzarrean puntu zehatz hori izan dute hizpide Espainiako Gobernuko eta erkidegoetako osasun arduradunek. Azken horiek uste dute araua eguneratu egin beharko litzatekeela, irizpideak adosteko eta erkidego guztietan berdin jokatzeko.
Dariasek aitortu du lege hori tramitatzen hasi zirenetik denbora asko igaro dela tea erkidego batzuetan irizpideak ezberdinak direla. Hortaz, garrantzitsutzat jo du araua teknikoki aztertzea, "ahalik eta bateratuena eta eguneratuena izan dadin".
"Uste dut oso garrantzitsua dela lege hori bateratzea, homogeneizatzea eta testuinguruan jartzea. Hiru helburu horiek lortzeko asmoz aztertuko dugu legea eguneratzeko modua", erantsi du Dariasek.
Irizpide berri horiek datorren asteko bileran eztabaidatuko dituzte, aurrez aipatu lan teknikoa egiten bada.
Zure interesekoa izan daiteke
Euriari aurre egin eta Donostiako kaleak girotu dituzte Iñude eta Artzainek
Ospakizun eguna dute gaurkoa Donostiako Alde Zaharrean. Azken 49 urteetan bezala, inauteri aurreko igandean, Kresala Elkartearen konpartsa atera da desfilean, aintzinako inauterietako pertsonaiak gogora ekarriz. Sarriegiren doinuez lagunduta, zortziko, fandango eta arin arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.
Prostituitzera behartuta zeuden hiru emakume askatu dituzte Getxon
Bestalde, 36 eta 27 urteko bi emakume atxilotu dituzte, askatutako hiru lagunak prostituitzera behartzeagatik. Beste bi delitu ere egotzi dizkiete atxilotuei: droga trafikoa eta baimenik gabe botikak saltzea. Ikertzaileek egiaztatu dutenez, biktimek beren diru-sarreren % 50 ematen zieten arduradunei.