'Normaltasun berriaren legea'k musukoaren derrigorrezko erabilera zabaldu du
Gaur sartu da indarrean 'normaltasun berriaren legea' deiturikoa, musukoaren erabilera zabaltzen duena, baita metro eta erdiko distantzia gordetzeko aukera dagoenean ere.
Aire librean edo hondartzan ezinbestekoa izango da musukoa eramatea distantzia gordeta ere, salbuespenik gabe. Hala ere, erkidego bakoitzak, orain arte bezala, musukoen inguruko arauak moldatu ahalko ditu, tokian tokiko egoera epidemiologikoaren arabera.
Aurreko udan Eusko Jaurlaritzak indarrean jarri zuen hondartzan ere musukoa nahitaez eramatea jasotzen zuen araua, eserita edo etzanda pertsonen artean metro eta erdiko tartea gordetzen zen kasuak salbuetsita.
Espainiako Estatuko Aldizkari Ofizialak covid-19ak eragindako osasun krisiari aurre egiteko prebentzio, euste eta koordinazio neurrien Lege Proiektua argitaratu zuen atzo, 'normaltasun berriaren legea' deiturikoa, martxoaren 18an Espainiako Diputatuen Kongresuak onartutakoa.
Pandemia amaitu arte indarrean egongo diren neurrien artean dago musukoaren derrigorrezko erabilera, sei urtetik gorako pertsonentzat eta eremu publikoan, aire zabaleko tokietan eta publikoarentzat irekitako lekuetan, baita 1,5 metroko segurtasun distantzia errespetatzeko aukera egonda ere.
Dena dela, musukorik ez dute eraman beharko horren erabilerarekin gaixotasunen bat larritzeko aukera dutenek, ezta mendekotasun edo ezgaitasun batengatik musukoa kentzeko gai ez direnek ere.
"Aire libreko banakako kirol jardueran ere ez da derrigorrezkoa izango", ezta kirol jarduera musukoaren erabilerarekin bateraezina denean eta osasun agintariek hala diotenean ere.
Covid-19ak eragindako osasun-krisia kudeatzeko funtsezkotzat jotzen diren sendagaiak merkaturatzeko baimenen ekoizleei dagokienez, dokumentuak jasotzen du Sendagaien eta Osasun Produktuen Espainiako Agentziaren Zuzendaritzari jakinarazi beharko diotela eskuragarri dagoen stocka, azken astean emandako kopurua eta horien sortak askatu eta jasotzeko aurreikuspena, aurreikusitako datak eta kopuruak barne.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.