Finala "etxean jokatzeko, gozatzeko eta ospatzeko" deia egin du Urkulluk
Athleticeko eta Realeko zaleei erantzukizunez jokatzeko deia egin die Iñigo Urkullu lehendakariak, Errege Kopako finala "etxean eta etxekoekin jokatzeko, disfrutatzeko eta ospatzeko". "Hori izango da gure 'garaipena'", gehitu du.
Covid-19aren pandemiaren egoera "orain dela urtebete baino hobea" dela esan du Urkulluk, baina gogorarazi du "'partida hau' oraindik ez dela bukatu". Beraz, "arduratsuak" izateka eta "osasun agintarien aginduak zintzotasunez betetzeak" beharrezkoa izaten jarraitzen du.
"Kopako finala, zentzu horretan, aukera bat da. Emozioak sentitzeko, sentimenduak partekatzeko eta 'neke pandemikoaren' kontzeptuaren aurka borrokatzeko laguntzen digun ekitaldia da", idatzi du lehendakariak sare sozialetan.
Urkulluk pandemiaren urte "zail eta oso gogorraren" errepasoa egin du, osasunaren, ekonomiaren, gizartearen eta emozioen ikuspuntutik. Zentzu horretan, denbora honetan "oso aldarte sozial kritikoa" sortu da", arlo pertsonalean eta kolektiboan".
Lehendakariak kirolaren garrantzia azpimarratu du, baita hitzordu historikoarena ere, bi euskal talde finalean daudelako. Era berean, "gertaera honen mailan egotea tokatzen zaigu, eta, oraingoan, finala etxean 'jokatzea'", esan du.
"Kopa hau altxatzeko ametsaz gozatu dugu. Orain egiaren eguna heldu da. Etxean jokatu, etxean irabazi eta etxean ospatu behar dugu", azpimarratu du Urkulluk.
Zaleen erantzuna ona izango dela uste du lehendakariak. "Azken urtean utzi gaituztenak oroituta, final hau konpromiso eta elkartasun eredu bihurtzen jakingo dute", esan du. "Egunero" osasun publikoa bermatzen duten pertsonen lana goraipatzeko deia ere egin du lehendakariak, eta ziurtatu du "berandu baino lehen elkarrekin gozatzen eta ospatzen ahalko dugu berriro, zuzen-zuzenean, Euskadiko bi futbol talde hauek dagoeneko lortu duten garaipena".
"Nire nahia da, kirolaren arloan, onenak irabaz dezala, eta ospakizuna elkarrekin partekatu eta bizi ahalko dugun etorkizun baten aldeko itxaropena izatea", bukatu du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.