Athleticeko eta Realeko zaleek etxetik jarraitu beharko dute Kopako finala
Athletic Clubek eta Realak aurreko denboraldiko Errege Kopako finala jokatuko dute gaur gauean, baina ezin izango dute harmailetan euren zaleen babesa izan, covid-19aren pandemiak sortutako murrizketen ondorioz. Oraingo honetan, zaleek etxetik ikusi beharko dute partida, senideekin batera.
Bi euskal taldeen arteko finala 2020ko apirilaren 18an jokatu behar zen Sevillako Cartuja zelaian, baina atzeratu egin behar izan den koronabirusak eragindako egoeragatik. Azkenik, larunbat honetan, apirilaren 3an, jokatuko da 21:30ean, eta zuzenean jarraitu ahal izango da ETB1en.
Distantziatik bi taldeetako zaleek euren taldeak hurbil sentitzea nahi izan dute, eta, duela egun batzuetatik, Bizkaiko eta Gipuzkoako kaleetan ikusi ahal izan dira jarraitzaileak taldeen elastikoekin, eta eraikin eta balkoiak zuri-gorrien eta txuri-urdinen banderekin apaindu dira finala animatzeko.
Gaurko egunean zehar, bi taldeetako zaleek kalera ateratzeko aprobetxatu dute. Bilbon eta Donostian etengabeak izan dira taldeen aldeko kantuak eta kalejirak, final handiaren zain.
Donostiako Alde Zaharra eta Bilboko Alde Zaharra izan dira zaleak klubak animatzeko bildu diren gune nagusietako bi, eta, hasiera batean, Segurtasun Sailean ez dute izan azken egunotakoak moduko pilaketen berririk. Izan ere, azken egunetan ehunka zale kalera atera ziren euren taldeak agurtzera Andaluziako hirira joan aurretik, segurtasun distantzia errespetatu gabe.
Finala "etxean jokatzeko, gozatzeko eta ospatzeko" deia egin du Urkulluk
Athleticeko eta Realeko zaleei erantzukizunez jokatzeko deia egin die Iñigo Urkullu lehendakariak, Errege Kopako finala "etxean eta etxekoekin jokatzeko, disfrutatzeko eta ospatzeko". "Hori izango da gure 'garaipena'", gehitu du.
"Kopako finala, zentzu horretan, aukera bat da. Emozioak sentitzeko, sentimenduak partekatzeko eta 'neke pandemikoaren' kontzeptuaren aurka borrokatzeko laguntzen digun ekitaldia da", idatzi du lehendakariak sare sozialetan.
Lehendakariak kirolaren garrantzia azpimarratu du, baita hitzordu historikoarena ere, bi euskal talde finalean daudelako. Era berean, "gertaera honen mailan egotea tokatzen zaigu, eta, oraingoan, finala etxean 'jokatzea'", esan du.
Athleticen eta Realaren arteko Kopako finalaren harira, bihotza "bero" izan arren, burua "hotz" izateko eguna dela esan du Gotzone Sagardui Osasun sailburuak, eta neurriak betetzeko eskatu die zaleei.
Kalean ospatzerik ez dagoela gogorarazi du Jaurlaritzak
Bingen Zupiria Eusko Jaurlaritzako bozeramaileak erantzukizuna eskatu du zaleen pilaketen aurrean, eta aurten kalean ospatzerik ez dagoela adierazi du.
Zupiriak zuhurtziaz eta arduraz jokatzeko deia egin du, izan ere, aurten pandemia dela eta "ez da pilatzea eta ez da kalean ospatzea tokatzen. Egin dezagun gure familiekin intimitatean eta kontu handiz!", nabarmendu du.
Herritarrak 22:00etan etxean egotera behartzen dituen etxeratze-agindua dagoela gogorarazi du. Gainera, finalaz gozatzeko elkarrekin bizi diren pertsonak bakarrik bildu ahal izango dira etxean.
Ildo beretik, Athleticek eta Realak "zuhurtzia" eskatu diete zaleei, eta batasuna "pandemia honetatik elkarrekin ateratzeko".
Zure interesekoa izan daiteke
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Marisol Garmendia Espainiako Gobernuak EAEn duen ordezkariak eta Teresa Herraez poliziaburuak eman dituzte operazio horren xehetasunak, ostegun honetan Donostiako ertzain-etxean egindako agerraldian.
Aurrerantzean, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Bilboko kontsulatuak harremanetarako bideak jarri ditu herritarren eskura
Venezuelak Bilbon duen kontsulatuak hainbat bide jarri ditu herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.
Kantauri itsasoko ura 25,2 gradutan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.