Eusko Jaurlaritzak ez dela kalean biltzeko eta ospatzeko unea azpimarratu du
Bingen Zupiria Eusko Jaurlaritzako bozeramaileak erantzukizuna eskatu du futbol taldeetako zaleen pilaketen aurrean, Athleticek eta Realak jokatuko duten Errege Kopako finalaren bezperan, eta aurten kalean ospatzerik ez dagoela esan du.
Halaber, Zupiriak Ertzaintzaren jokabidea babestu du, milaka zalek Athletic Clubeko jokalariei atzo Lezaman eman zioten agurrean, finala jokatzeko Sevillara joan aurretik, koronabirusari aurre egiteko segurtasun distantzia errespetatu gabe.
Segurtasun arduradunek jakitera eman dutenez, Ertzaintzak "zuhurtziaz eta proportzionaltasunez" jokatzea erabaki zuten, "Lezama inguruan ia 8000 pertsona" bildu zirelako.
Azaldu duenez, "horregatik erabaki zuten poliziek autobusa lehenbailehen Lezamatik ateratzea eta megafonia bidez jendea sakabanatzeko eskatzea. Ondoren, osasun egoera horretan oinarrizko arauetako bat urratu zuten pertsona asko identifikatu zituzten, hau da, jende pilaketak saihestea".
Zupiriak azaldu duenez, jendetza horren irudiek "lekuz kanpo zegoen zerbait ikustea" eragin zioten.
Zuhurtziaz eta arduraz jokatzeko deia egin du, izan ere, aurten pandemia dela eta "ez da pilatzea eta ez da kalean ospatzea tokatzen. Egin dezagun gure familiekin intimitatean eta kontu handiz!", adierazi du.
Bestalde, Juan Maria Aburto Bilboko alkateak adierazi duenez, "guztiok nahi dugu gure taldeak irabaztea" Errege Kopako finalean, eta "gozatzeko" eta "ospatzeko" deia egin du, baina "etxean" eta "besteak errespetatuz".
Sare sozialetan zabaldutako hainbat mezutan, Bilboko alkateak honako hau adierazi du: "Denok nahi dugu gure taldeak irabaztea. Eta handiki ospatzea gustatuko litzaiguke. Une batean, jasaten ari garen pandemia hau pasatzen denean, egin ahal izango dugu. Seguru".
Ildo berean, Athleticek zaleen babesa eskertu du, baina segurtasun neurriak errespetatzeko deia egin du.
Realak ere zuhurtzia eskatu die zaleei:
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.