Asteartean iritsiko dira Janssenen lehen txertoak espainiar Estatura
Carolina Darias Espainiako Gobernuko Osasun ministroak aurreratu duenez, asteartean iritsiko dira Janssenen (Johnson & Johnson) txertoaren lehen dosiak. Ziur asko, 300.000 izango dira.
Osasun Ministerioaren aurreikuspenen arabera, 5,5 milioi txerto bidaliko ditu Janssenek apirila eta ekaina bitartean. "Asteartean, lehen orduan, iritsiko dira txerto horiek, eta, hasiera batean, txertaketa-estrategiaren azken eguneraketaren arabera aplikatuko dira, RNAren tipologia berean; hau da, 80 urtetik beherakoentzat", azaldu du ministroak larunbat honetan Kanaria Handiko Unibertsitate Ospitalera egindako bisitan.
Bestalde, lasaitasunerako deia egin die berriz ere AstraZenecaren txertoaren lehen dosia jaso dutenei.
Dariasek azaldu duenez, AstraZenecaren txertoaren bigarren dosiarekin zein prozedura jarraitu aztertzen ari dira adituak. Gobernuak hartuko duen erabakia "ebidentzia zientifikoaren eskutik" etorriko dela eta oraindik erabakirik onena hartzeko denbora badagoela azpimarratu du.
Hainbat aukera daudela gogorarazi du Dariasek: batetik, txertatuak lehen dosiarekin uztea, babes-portzentajea % 70ekoa baita; eta, bestetik, bigarren dosi bat jartzea, beranduago, RNA motako beste txerto batekin -Pfizer eta Moderna-, beste herrialde batzuek erabaki bezala, Alemaniak edo Frantziak, esate baterako.
"Edonola ere, kasua aztertzen ari diren adituen eskutik emango dugu erabakiaren berri, eta, beraz, lasaitasuna eskatu behar dugu. Eragiten dien pertsonek erantzun segurua eta koherentea izango dute ".
Ministroak bereziki azpimarratu nahi izan du txerto guztiak seguruak eta eraginkorrak direla, eta bizitzak salbatzen dituztela. Formula bakoitzaren bertuteak maximizatzen ari direla azaldu du, onuragarrienak izan daitezkeen kolektiboei bideratzeko.
Dariasek aukera hori mahai gainean jarri ez badu ere, azken egunotan aditu batek baino gehiagok esan dute AstraZenecarekin jarri beharko litzaikeela bigarren dosia, lehena hala jarri zaienei, pauta luzatuta, agian. Hau da, 12 aste baino beranduago.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.