Biktimak 35 urte betetakoan hasiko dira adingabeen aurkako abusuak preskribatzen
Kongresuak haur eta nerabeak babesteko lege organikoaren proiektua onartu du gaur, osteguna, eta ondorioz, biktimak 35 urte betetzen dituenean hasiko da adingabeen abusuen delituak preskribatzeko epea. Gainera, gurasoen alienazio-sindromea ezeztatuko du, 14 urtera arte frogak berrerabiltzera behartuko du, berriro biktimizatzea saihesteko, eta herritarrak haurren aurkako indarkeria oro salatzera behartuko ditu.
Alderdiek aurkeztutako 600 zuzenketetatik 200 bat onartu dituzte, eta Kongresuak PSOEren, Unidas Podemosen, PPren, Ciudadanosen, ERCren eta BNGren aldeko botoekin onartu du testua. Voxek eta EAJk aurka bozkatu dute, eta EH Bildu eta PDeCAT abstenitu egin dira. Guztira, aldeko 268 boto, kontrako 57 eta 16 abstentzio jaso ditu.
Kongresuko bozketaren eta onarpenaren ostean, orain lege-proiektuaren izapideak Senatuan jarraituko du.
Testuari egindako azken aldaketetako batekin, sexu-gehiegikerien preskripziorako epea luzatuko da. Hala, biktimak 35 urte dituen unetik hasiko da zenbaketa.
35 urterekin hasiko da epea
Hasiera batean 18 urtetik 30era igo behar zuten biktimaren adina, baina orain 35 urteraino atzeratzea erabaki dute, PSOEk, PPk, Unidas Podemosek, Ciudadanosek, EH Bilduk, Mas Paisek eta BNGk asteazken honetan lortutako akordio baten ondorioz.
Uneotan, adingabeen aurkako sexu-gehiegikerien preskripziorako epea biktimak 18 urte betetzen dituenean hasten da, eta delitua 5-15 urtera preskribitzen da, larritasunaren arabera.
Legeari egindako aldaketen artean dago, era berean, gurasoen alienazio-sindromea kentzea; izan ere, gurasoetako batzuek bikotekide ohiari seme edo alaba manipulatu eta beraien kontra jartzea egozten zioten.
Berriro biktimizatzea galaraztea
Gainera, grabatutako lekukotza berrerabili beharko da biktimak 14 urte bete arte, berriro biktimizatzea galarazteko.
2020an Espainiako Gobernuak aurkeztu zuen testuan, Pablo Iglesiasek 'ley Rhodes' deitu ziona (haur zela sexu-abusuak jasan zituen piano-jotzailearengatik), homizidioagatik edo tratu txarrengatik guraso-agintea kentzea ere jasotzen da.
Bestalde, legeak herritar guztiak behartzen ditu adingabeen aurkako indarkeria zantzu oro jakinaraztera eta eskola guztietan 'ongizate- eta babes-koordinatzaile' figura egotera. Bullyingaren eta kolektibo zaurgarrien aurkako abusuak ere jasotzen ditu.
Eskumenak gainjartzea
Kongresuko bozketan EH Bildu eta PDeCAT abstenitu egin dira, eta iragarri dute "sentimendu garratzarekin" egin dutela, "eskumen-gatazka" bat dagoelako legearen atzean, Mertxe Aizpuruak eta Sergi Miquel i Valenti diputatuek adierazi dutenez.
Arrazoi beragatik, Iñigo Barandiaran EAJren diputatuak iragarri du kontra bozkatuko zuela, "bihotzeko minez", "neurriak positiboak" direlako, eta Eusko Legebiltzarrean "berresteko" asmoa duela azaldu du.
Albiste gehiago gizartea
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuko eta Arriaga auzoetako bizilagunek ez dakite oraindik noiz itzuli ahal izango diren euren etxeetara. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, ebakuatutako hainbat pertsona.
Sute bat piztu da LEA fabrikan, eta Arabako hiriburu osotik ikus daiteke kea
Sute handi bat piztu da Gasteizko LEA fabrikan, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko lehioak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Sutea piztu da Gasteizko LEA fabrikan, eta ke-zutabe handia eragin du
Gamarrako industrialdeko enpresa guztiak hustu dituzte, eta ez da inor zauritu. Gasteizko Udalak etxetik ez ateratzeko eskatu die Abetxuku eta Arriaga auzoetako bizilagunei.
Alkolea pasaiako paumaren habia desagertu da, Donostian
Parkea Bizirik elkarteak parkearen egoera salatu du eta neurriak hartzeko biltzera gonbita egin die udal gobernuari eta oposizioari.
EAJk hautsi egin ditu lan deialdi publikoetan euskara blindatzeko PSE-EEkin abiatutako negoziazioak
Jeltzaleen iturriek aurreratu dute EAJk berak bakarrik egingo duela aurrera eta Enplegu Publikoaren Legea aldatzen saiatuko dela, euskara eskakizunak bermatzeko.
Etxebizitza da EAEko herritarren kezka nagusia
Osasunarekiko kezkak behera egin du azken sei hilabeteetan, baina bigarren arazorik garrantzitsuena da (% 36), bizitzaren kostuaren aurretik (% 34). Bestalde, herritarrek 10etik 4,7ko nota jarri diote Imanol Pradales buru duen Eusko Jaurlaritzaren lehen urteari.
174 urteko espetxe zigorra eskatu dute Zizurko institutuko komunetan emakumeak grabatu zituen irakaslearentzat
Probintzia Auzitegian epaituko dute, haurren intimitatearen aurkako delitua eta haur pornografia delitua egotzita, hainbat hilabete ikertzen eman eta gero; guztira, 41 biktima izan dira.