Kutsatzeak egonkor mantendu dira Nafarroan, baina positibo tasa nabarmen hazi da
Kutsatzeak egonkor mantendu dira azken orduetan Nafarroan, 139 kasu atzeman batira, Nafarroako Gobernuak emandako behin-behineko datuen arabera.
Atzo, 1.370 proba diagnostiko egin zituzten (aurreko egunean baino 1.195 gutxiago), eta % 10,1ek eman zuten positibo. Horrenbestez, positibo tasa ia bost puntu igo da (% 5,4an zegoen).
Bezperako datuaren bueltan dator gaurkoa; hala ere, duela astebete (57 gutxiago) edo bi aste (35 gutxiago) atzemandakoen azpitik dago.
Kasu gehien pilatzen dituzten gune edo udalerriei dagokienez, Etxarri Aranatz da denen buru (ostegunetik itxita dago), 11 kutsatzerekin. Ondoren datoz Altsasu eta Noain, zazpina positiborekin, eta Arbizu, Zangoza eta Iruñeko Ermitagaña auzoa, seinarekin.
Atzo, 210 paziente zeuden ospitalean koronabirusak jota, bezperan baino bederatzi pertsona gehiago, hain zuzen ere.
Igandean 12 lagun eraman zituzten erietxera, bakar bat ere ez zainketa intentsiboetako unitateetara. Pandemia hasi zenetik, 1.145 pertsona hil dira covid-19aren ondorioz Nafarroan.
Zonaldeka, positibo berri gehienak (% 43) Iruñerrian eman dira, % 14 Tutera inguruan, eta % 9, Lizarraldean. Gainerako kutsatzeak (% 34) Nafarroako toki ezberdinetan atzeman dituzte.
Kutsatze gehienak honako adin tarteetan eman dira: 45 eta 59 urte bitartean, % 29; 30 eta 44 urte bitartean, % 23; 15 eta 29 urte bitartean, % 13; 15 urtetik beherakoen artean, % 14; 60 eta 75 urte bitartean, % 13, eta 75 urtetik gorakoen artean, % 6. Positibo berrien bataz besteko adina 41 urtekoa da.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.