Egungo egoeran "ohiko" sanferminak egitea ezinezkoa dela onartu du Iruñeko alkateak
Gaur egungo kutsatze datuekin San Fermin jaietan ekitaldi jendetsuak egitea ezinezkoa dela ziurtatu du Enrique Maya Iruñeko alkateak. Hala ere, oraingoz ez dituzte ofizalki 2021eko sanferminak bertan behera utzi.
Radio Euskadiko "Boulevard" saioan egin dioten elkarrizketan, esan du sanferminak "elkarrekin eta besarkatuta egoteko" direla eta gaur-gaurkoz ez dela posible "txupinazoa, entzierroak eta zezenketak" egitea. Azken erabakia hartzear daudela aurreratu ostean azpimarratu duenez, aurtengo sanferminak inondik inora ez dira 2019koak bezalakoak izango.
Mayak aipatu dituen aurreikuspenen arabera, uda amaierarako Nafarroako populazioaren % 70 txertatuta egongo da. Hala ere, sanfermin jendetsuak egitearen aukera baztertu du. "Sanfermin jendetsurik ez, inondik inora", nabarmendu du.
Zezenketak
Enrique Maya alkateak ez du baztertzen zezenketak egitea, Misericordi etxearen baitan daudelako, baina "beste data batzuetan". Ildo horretan, uda amaiera aipatu du. Adibide gisara, 1978ko sanferminak jarri ditu.
Azkenik, alarma-egoerari buruz galdetu diotenean, pandemiagatik zenbait kontrol neurri mantendu behar dira horretarako mekanismoak beharko direla adierazi du. Horretarako alarma egoera behar bada, jarrai dezala. Behar ez bada, orain arte zergatik izan dugun galdetuko digute", gaineratu du.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.