EBk irailetik uztailera aurreratu du herritarren % 70 txertatzeko helburua
Europako Batzordeak irailetik uztailera aurreratu du Europar Batasuneko adin nagusiko herritarren % 70 txertatzeko helburua, dosien ekoizpenaren gorakadari esker, Ursula von der Leyen Europako Batzordeko presidenteak Pfizerrek Belgikan duen lantegian iragarri duenez.
"Uztailerako Europar Batasuneko adin nagusiko herritarren % 70 txertatzeko nahikoa dosi edukitzea espero dugu", adierazi du Von der Leyenek prentsaurreko batean, Alexander de Croo Belgikako lehen ministroa, Albert Boula Pfizerren kontseilari ordezkaria eta Ozlem Tureci BioNTech laborategi alemaniarraren fundatzaileetako bat aldamenean zituela.
Puursen, Pfizerrek koronabirusaren aurkako txertoa ekoizteko Europan duen lantegi handienean, Von der Leyenek aitortu du Europar Batasunak "arazoak" izan zituela kanpainaren "hasieran", baina "ekoizpenaren gorakadak" aurreikuspenak irailetik uztailera aurreratzea ahalbidetzen duela.
Hala ere, helburua lortzetik urrun dago oraindik Europa, Gaixotasunen Kontrolerako eta Prebentziorako Zentroaren arabera adin nagusiko europarren % 23,7k soilik jaso baitu Europako Sendagaien Agentziak (EMA) onartutako txertoen dosiren bat, eta % 8,7k, biak.
Portzentajeak asko aldatzen dira estatuen artean (% 42,3 Hungarian, % 9,3 Errumanian, % 25,3 Espainiako Estatuan, % 26,8 Belgikan…), eta urrun daude oraindik AEBko datuetatik (% 40k jaso du dosiren bat), Erresuma Batukoetatik (% 50etik gora), edo Israelgoetatik (% 60tik gora).
Baina erritmoa bizkortzen ari da Europar Batasunean; izan ere, urtarriletik martxora 100 milioi dosi banatu ziren, eta azken hiru asteetan 150 milioi, Von der Leyenen arabera.
Gainera, gogorarazi du Pfizerrek bigarren hiruhilekoan emango dizkiola EBri beste 25 milioi dosi, laugarrenean eman beharrean, 2021erako aurreikusitako 600 milioi dosien artean. 2022a eta 2023a kontuan hartuz gero, berriz, Pfizerrek 1.800 milioi dosi banatuko ditu Europan.
Horiekin batera, Janssenek beste 55 milioi emango ditu ekaina baino lehenago, EMAk baimena eman ostean.
Bestalde, Bruselak asteazkenean jakinarazi zuen EBk AstraZeneca auzitara eramango duela kontratua urratzeagatik, 300 milioi dosi eman beharrean herena emango dituelako.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.