EB covid ziurtagiria negoziatzen hasiko da, Pfizerren esperantza guztiak jarrita
Europar erakundeek asteon negoziatuko dute covid-19aren txertaketa egiaztagiriaren azken fasea, Europar Batasunak Pfizerren aldeko apustua berretsi eta AstraZenecaren kontrako jarrera indartzen duen bitartean.
Gaixotasunen Prebentzio eta Kontrolerako Europako Zentroaren datuen arabera, europar helduen % 23,7ak dagoeneko hartu du txertoaren dosi bat eta % 8,7ak, biak.
Datorren asteazkenean, Parlamentuak Europar Batzordearen proposamenaren zuzenketak bozkatuko ditu eta Kontseiluarekin dokumentuaren inguruan negoziatzen hasteko moduan izango da orduan. Besteak beste, ziurtagiriak zehaztuko du covid-19aren kontra txertatuta gauden, PCR proba negatiboa izan dugun azken aldian edota antigorputzak ditugun.
Datei begira, Europar Parlamentuak ekaina hasierarako izan nahi du prest proiektua. Hala, hile bukaerarako amaituko dute froga pilotua eta ekaina amaieran protokoloa martxan jartzeko prest izango dute.
Pfizerren aldeko apustu argia eta AstraZenecaren bazterketa
Europar Batzordeak asteon egin du Pfizer-BioNTechen txertoaren aldeko aldarririk nabarmenena, Ursula von der Leyen presidenteak enpresa farmazeutikoak Europan duen lantegirik handienera egin duen bisitaren ondotik.
Bertan, Von der Leyenek azpimarratu zuen 1.8000 milioi dosi erosteko negoziaketetan daudela, 2022 eta 2023 bitartean pandemiari aurre egiten jarraitzeko.
Batzordeak AstraZenecarekin duen jarrera, baina, oso bestelakoa da. Izan ere, entregatzeko orduan izan dituzten atzerapenak eta kontratu hausteak tarteko, lau hilabetez luzatu dira enpresaren eta Bruselaren arteko ika-mikak. Gainera, EBk jakitera eman du AstraZenecaren kontrako demanda prestatzen ari dela.
Albiste gehiago gizartea
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.