Positiboen kopuruak gora egin du berriro Nafarroan, 156ra arte
69 eta 73 urteko bi emakume hil dira Nafarroan azken orduotan, eta 156 kasu positibo berri atzeman dituzte 2.920 proba egin ondoren (1.767 PCR eta 1.153 antigeno test).
Gainera, koronabirusarekin lotutako 19 ospitaleratze izan ziren, horietako bost zainketa intentsiboetako unitateetan, Nafarroako Gobernuak emandako datuen arabera.
Azken bi heriotzekin Nafarroan 1.162 dira jada covid-19aren ondorioz hildakoak. Birusak eragindako infekzioen intzidentzia, eguneroko datuen arabera, 59.218 kasuko da.
Ospitale-okupazioaren ikuspegitik, ospitaleratzeen eta alten balantzearen ondoren, 205 pertsona daude ospitaleratuta (atzo baino bi gehiago) covid-19arekin, horietatik 41 zainketa intentsiboetako postuetan daude (bat gehiago) eta beste 18 etxeko ospitaleratzean (lau gehiago). Gainerakoak, 146 gaixo, gela arruntetan daude (atzo baino hiru gutxiago).
Gune edo udalerri zigortuenei dagokienez, Barañain eta Altsasu ageri dira buruan, 11 positiborekin. Ondoren datoz Azkoien eta Iruñeko Txantrea auzoa, zazpirekin.
Egoera epidemiologikoaren larritasuna dela eta, Nafarroako Gobernuak, Arbizu, Etxarri Aranatz, Lodosa eta Villafrancako udalei kontsulta egin ondoren, apirilaren 15etik lau herri horietan ezarritako itxiera perimetrala beste astebetez luzatzea erabaki du, eta beraz, ostegunera arte (maiatzaren 6a barne) jarraituko du indarrean neurriak.
Era berean, egun horretara arte Cadreitaren itxiera perimetrala luzatuko dute, apirileko 9tik indarrean dagoena.
Bestalde, 173 ikasle konfinatu dituzte azken 24 orduetan. Gaur egun 1.543 ikasle daude beren etxeetan isolatuta, hau da, ikasle guztien % 2,49.
81 ikasgela konfinatuta daude 44 ikastetxetan, hau da, ikasgela guztien % 2,32, Nafarroako Gobernuak ohar baten bidez jakinarazi duenez.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.