Positiboak modu esanguratsuan igo dira Nafarroan, 181eraino
Hainbat egunez 150eko langatik gertu egon ostean, gorakada nabarmena izan dute positiboek Nafarroan. Hala, Gobernuak emandako datuen arabera, 181 kutsatze atzeman dituzte.
Zehazki, atzokoan 2.814 proba egin zituzten (bezperan baino 106 gutxiago) eta, horietatik, % 6,4 positiboak izan ziren. Positibo-tasak, beraz, puntu bat pasatxo egin du gora (% 5,2an zegoen).
Bezperan baino 25 gehiago dira, eta duela astebete (184) eta duela 15 egun (188) zenbatutakoen antzekoak.
Gune eta udalerri astinduenen artean, Iruñeko Txantrea eta Iturrama auzoak daude, 11 eta 10 positiborekin. Ondoren daude Ermitagaña auzoa (hau ere Nafarroako hiriburuan), bederatzi kasurekin, eta Barañain, zortzirekin. Altsasuk, Burlatak eta Buztintxurik (Iruñea) zazpina kutsatze zenbatu dituzte.
Guztira, 204 paziente zeuden atzo ospitaleratuta Foru Erkidegoko ospitale-sareko zentroetan, aurreko egunean baino bat gutxiago.
Atzo koronabirusarekin lotutako zortzi ospitaleratze izan ziren, horietako bi zainketa intentsiboetako unitateetan, eta heriotza bat, 73 urteko gizon batena. Guztira, 1.163 pertsona hil dira koronabirusaren ondorioz Nafarroan.
Iruñean eta bere eskualdean kasu positiboen % 66 erregistratu zituzten, Tuteran % 8 eta Lizarran % 6. Gainerako positiboak (% 20) Nafarroako beste zonalde batzuetan banatzen dira.
Adin-talde nagusiak 45 eta 59 urte artekoak (% 24) eta 30 eta 44 urte artekoak (% 22) dira. Ondoren, 15 urtetik beherakoen (% 19), eta 15 eta 29 urte bitartekoen taldeak (% 17) daude. Azkenik, 60 eta 75 urte bitartekoen taldea (% 15) eta 75 urtetik gorakoen taldea (% 3) daude.
Positibo berrien batez besteko adina 38,2 urtekoa da. Kasuen % 54 emakumeak dira, eta % 46, gizonak.
Ospitaleratzeen eta alten balantzea egin ondoren, 204 pertsona daude ospitaleratuta (atzo baino bat gutxiago), horietako 40 zainketa intentsiboetako unitateetan (bat gutxiago) eta beste 19 etxeko ospitaleratzean (bat gehiago). Gainerakoak, 145 paziente, gela arruntetan daude (bat gutxiago).
Birusak eragindako infekzioen intzidentzia, eguneroko datuen arabera, 59.399 kasukoa da Nafarroan.
Txertaketa-prozesuari dagokionez, atzo 6.770 dosi jarri zituzten, eta, ondorioz, orain arte jaso diren 252.845 dosietatik 234.186 txerto eman dituzte Nafarroan. Gaur goizean, Janssenen 1.800 dosi iritsi dira.
Orain arte 67.962 pertsonak osatu dute prozesua, atzo 1.565 lagunek bigarren dosia jaso ostean.
Zure interesekoa izan daiteke
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.