Pitin bat hobera egin dute datuek EAEn, 769 kasu berri eta %6,8ko positibitatearekin
Covid-19 kasu berriek behera egiten jarraitzen dute Euskal Autonomia Erkidegoan: 769 kasu diagnostikatu dira azken orduetan, eta positibotasun-tasa % 6,8koa izan da, hori ere ostegunekoa baino baxuagoa. Ospitaleetan, dena dela, egoerak oso larria izaten jarraitzen du, 189 pertsona baitaude ZIUetan.
Osasun Sailak maiatzaren 1 honetan jakitera eman dituen datuen arabera, atzo ostegunean adina proba egin zituzten (11.349), baina 39 kutsatu gutxiago zenbatu zituzten, eta egindako test bakoitzeko positiboen ehunekoa ere murriztu egin da, % 7,3tik % 6,8ra.
Lurraldeka, 78 kasu atzeman dituzte Araban, 400 Bizkaian, 281 Gipuzkoan eta 10 beste autonomia-erkidego batzuetan bizi diren pertsonengan.
Ospitaleen egoerari dagokionez, 95 pertsona ospitaleratu behar izan zituzten atzo (ostegunean baino bat gutxiago), eta 189 covid-gaixo zeuden ZIUetan, aurreko egunean bezala.
Osasun Sailak ez ditu astelehenera arte argitaratuko R0ri buruzko datuak (pertsona bakar batek zenbat kutsatu ditzakeen adierazten duen adierazlea), herrietako datu zehatzak, ezta 14 egunetan 100.000 biztanleko izandako intzidentzia-tasak ere.
Kasu berriak apur bat igo dira Nafarroan, 160ra, baina positibitatea %5,5ekoa da
Nafarroako Foru Erkidegoko Osasun Sailak covid-19aren 160 kasu positibo berri atzeman zituen atzo, hau da, aurreko egunean baino gehiago (145).
2.898 proba egin zituzten atzo, PCR eta antigeno testen artean, eta, ondorioz, positibotasun tasa % 5,5ekoa izan da, Nafarroako Gobernuaren behin-behineko datuen arabera.
Zure interesekoa izan daiteke
Gutxienez bost kilometroko auto-ilarak BI-10 errepidean, Barakaldon, bi ibilgailuk izandako istripu baten ondorioz
Ezbeharra 124. kilometroan gertatu da, Irungo noranzkoan, eta eragin handia izaten ari da trafikoan.
Albiste izango dira: Ibaien egoera, noiz atertuko du? eta greba Tubos Reunidosen
Gaurkoan Orain-en albiste izango direnen laburpena, bi hitzetan.
Ibaiak oso beteta gauean, baina egoerak hobera egin du
Prezipitazio handien ondorioz, uholdeak izan dira hainbat tokitan, garajeetan eta etxebizitzetan, batez ere Butroe ibaiaren arroan. Marurin 36 auzokideri eragin die.
Harritzar bat zintzilik geratu da N-634 errepidearen gainaldean, Getaria parean
Eguerdia pasatxo zenean, tamaina handiko harri bat erori da mendian behera, baina burdinezko sareak eutsi egin ahal izan dio. Astearte goizean hasiko dituzte erretiratzeko lanak, eta bien bitartean, errepidea irekita dago.
Sei pertsona zauritu dira Faltzesen, beren autoa bidetik irten ostean
Zauritu guztiak ospitalera eraman dituzte eta ingresatuta geratu dira, pronostiko erreserbatuarekin. Horietako bost adin txikikoak dira.
Maila horian daude Abetxuko, Sangroniz eta Mungiako estazioak, uholde arriskuagatik
Euskalmetek jakinarazi duenez, datozen orduotan ere euria barra-barra egiten jarraituko du, ia etenik gabe, batez ere, Kantauri isurialdean.
Butroe ibaiak gainezka egin du Mungia parean
Euriteen ondorioz, Butroe ibaiak gainezka egin du Mungia parean, eta bertako Udalak autoak toki garaietara mugitzea gomendatu die herritarrei.
Nafarroak 4,7 milioi aktibatu ditu auto elektrikoaren erabilera bizkortzeko
"Tximista Auto" plan berriak ibilgailu bakoitzeko 5.500 eurorainoko laguntzak eta azpiegituretarako zuzeneko laguntza indartzen ditu.
Berriro ekin diote Bidasoa ibaira salto egin zuen gizonaren bilaketari
Antza, pertsona batek bi gizon ikusi ditu igande goizaldean ibilgailuak garbitzeko gune batean lapurreta egiten, Irunen, eta ertzainak heldu direnean, horietako batek uretara egin du salto; bestea, 31 urteko gizasemea, atxilotu egin dute.
Gizon batek bikotekide ohia hil du Benicassimen
64 urteko emakume bat da biktima. Hainbat labankada jaso ondoren, larri eraman dute Castelloko Ospitale Nagusira, eta han hil da. Ustezko erasotzailea, 70 urteko gizona, atxilotuta dago.