Urkulluk esan du "berme juridikoak" dituzten neurriak baino ez dituela onartuko
Iñigo Urkullu lehendakariaren hitzetan, bihar sinatuko duen dekretuan jasotzen diren neurriek berme juridiko "nahikoak" izango dituzte; izan ere, bere gobernuak eta EAEko gizarteak "ezin dute erabaki gabeko garaietara eta helegiteen ziurgabetasunera arriskatu".
Eusko Legebiltzarrak ostegun honetan egingo duen osoko bilkurara iritsi denean egin ditu adierazpenok lehendakariak, kazetarien galderei erantzunez, Eusko Jaurlaritza datorren iganderako prestatzen ari den dekretuaren inguruan, alarma-egoera bertan behera geratzen denean.
Dekretu horren zirriborroa Euskal Autonomia Erkidegoko Justizia Auzitegi Nagusira bidali dute dagoeneko, eta atzo Fiskaltzak adierazi zuen ez zuela onartzen Euskadiko eta udalerrietako itxitura perimetralak judizialki baimentzea, ez eta 22:00etatik 06:00etara bitartean etxeratzeko agindua ematea ere.
EAEko Justizia Auzitegi Nagusiko Administrazioarekiko Auzien Salak bilera egingo du gaur Fiskaltzaren txostenari buruz eztabaidatzeko, eta, aurreikuspenen arabera, bihar emango du bere erabakiaren berri, Euskadiko Babes Zibileko Planaren (LABI) Aholku Batzordea arratsaldean bildu aurretik. Bertan, dekretu hau behin betiko itxiko da lehendakariak sinatu aurretik.
"Beti errespetatu dut auzitegiek esaten dutena. Fiskaltzaren jarrera ezagutzen dut eta ez dut beste ezer esateko. Hartzen ditugun neurriek behar besteko bermeak izango dituzte. Zentzuzko eta arrazoitutako neurriak izango dira egungo joera kontuan hartuta", azpimarratu du Urkulluk.
Horrela, Jaurlaritzak EAEko Justizia Auzitegi Nagusiaren bermea duten neurriak baino ez ditu jasoko dekretuan, eta, ondorioz, ez du Auzitegi Gorenera jotzeko beharrik izango. "Ezin gara erabaki gabeko garaietara, helegiteen inguruko ziurgabetasunera eta neurrien eraginkortasunaren galerara arriskatu", azaldu du lehendakariak.
Urkulluk gaineratu duenez, Pedro Sanchez Espainiako Gobernuko presidenteak oraindik ez dio erantzunik eman alarma-egoera luzatzeko eskatu zion gutunari, eta, aldi berean, erantzukizunari eusteko eskatu dio gizarteari, eta espero du jarrera horrek eta txertaketak Euskadiko egoera epidemiologikoa "etorkizunean hobea" izaten lagunduko dutela.
"Ez da baldintzak biguntzeko unea"
Denis Itxaso Espainiako Gobernuak Euskadin duen ordezkariak ostegun honetan adierazi duenez, Euskal Autonomia Erkidegoko intzidentzia-tasa metatua "oraindik oso altua" da, eta, beraz, "gutxienez", orain indarrean dauden neurri murriztaileei eutsi beharko litzaiekeela uste du.
ETB1en egindako elkarrizketa batean azaldu duenez, alarma-egoera "erreminta berezia eta ezohikoa" da, oinarrizko hainbat eskubide mugatzen dituena, eta "ezin da betiko tresna gisa erabili", Espainiako Gobernuaren iritziz, autonomia erkidegoek pandemiari aurre egiteko "erreminta nahikoak" dituztelako une honetan.
Itxasok gogorarazi duenez, "horiek dira, hain zuzen ere, Eusko Jaurlaritzak Euskal Autonomia Erkidegoko Justizia Auzitegi Nagusiari kontsultatu dizkion neurriak", Iñigo Urkullu lehendakariak dekretua sinatu aurretik.
Horren harira, Euskadik gaur egun duen intzidentzia-tasa altua "alarma-egoeraren baitan" eman dela azpimarratu du, eta "alarma-egoerak gure gaitz guztiak saihesteko gaitasuna duenik ez pentsatzeko" eskatu du.
Espainiako Gobernuak Euskadin duen ordezkariak azaldu duenez, Jaurlaritzak "oso ondo argudiatu, azaldu eta defendatu" beharko ditu neurri horiek, epaileek onar ditzaten, hori "zuzenbide-estatu batean funtsezkoa" delako.
Auzitegiek hartutako erabakiak "orekatuak eta proportzionalak" diren erabaki behar dutela esan du, eta, "kasu gehienetan, erabaki horiek ontzat eman dituzte, baita Euskadin ere, tabernen inguruko irizpide batzuk izan ezik", gainera du.
BIDEOA: "Oso ondo argudiatu behar dira erabakiak, epaileak onar ditzan"
Bestalde, Pilar Garrido Podemos Euskadiko koordinatzaileak Radio Euskadiko "Boulevard Informativo" saioan kritikatu egin du alarma-egoera desagertzen denean indarrean dauden neurri murriztaileei buruzko azken erabakia epaileen esku geratzea, eta "Euskadin alarma-egoera mantentzeko mugitzeko" eskatu dio lehendakariari.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.