EAEko Auzitegi Nagusiak baztertu egin ditu itxiera perimetralak eta etxeratze agindua
Fiskaltzaren irizpidearekin bat eginda, Euskal Autonomia Erkidegoko (EAE) Auzitegi Nagusiak baztertu egin du lurraldearen eta udalerrien itxiera perimetralak eta etxeratze aginduari eustea. Hori horrela, eta lehendakariak iragarritako asmoari jarraiki (epaileek ebatzitakoari men egitea), Euskadi irekita geratuko da igandean, alarma-egoeraren amaierarekin batera.
13:00etatik aurrera espero zen Administrazioarekiko Auzien Salaren ebazpena, eta 13:25ean ezagutarazi dute. Eusko Jaurlaritzak atzo bidali zion pandemiari aurre egiteko neurri murriztaileen zirriborroa, eta hori aztertzen ibili da ordutik Luis Angel Garrido magistratuak zuzentzen duen epaimahaia.
Epaimahaiak baztertu egin ditu dekretuaren zirriborroaren 1 eta 2 puntuak. Alegia, etxeratze agindua 22:00etatik 06:00etara, EAEko zein udalerrietako itxiera perimetralak eta lau pertsona baino gehiagoko bilkuren debekua (kasu honetan, Fiskaltzaren irizpidetik harago joan dira epaileak).
Azken horren harira, epaileek diote, fiskalaren tesiaren kontra, muga horrek biltzeko eskubidea urratzen duela. Dena dela, zehaztapena egin du: jarduera zehatzetan (ostalaritza, kirola, etab.) mugak ezar daitezkeela, eta gogorarazi du kalean edateko bilkurak, esaterako, debekatuta daudela.
Ebazpenean argudiatzen dutenez, oinarrizko eskubideez aritzeak "zorroztasuna" eskatzen du, eta azpimarratu dutenez, gaur-gaurkoz indarrean dagoen legedi arruntaren arabera eta betiere alarma-egoera barik, autonomia erkidegoek ezin dute "oinarrizko eskubideak urratzen dituzten neurriak modu orokortuan hartu".
Egun indarrean dagoen arautegiaren errepasoa egiten du Auzitegiak bere ebazpenean. Epaileek aitortu dutenez, "osasun krisi larri honetan justifikatuta" egongo lirateke oinarrizko eskubideei eragiten dieten neurriak, baina horretarako "hori ahalbidetzen duen lege bat" egon beharko litzateke, edo, horren faltan, Espainiako Konstituzioak aurreikusitako tresnak (alarma-egoera, hain zuzen) baliatu beharko lirateke.
Jaurlaritzak bost eguneko epea du ebazpenaren kontra egiteko, berraztertze-errekurtso bidez.
Arratsaldean, behin betiko neurriak
Urkulluk iragarri zuenez, maiatzaren 9tik aurrera indarrean egongo diren neurriak epaileek babestutakoak izango dira, eta ez du Espainiako Auzitegi Gorenean helegiterik jarriko, Sanchezen gobernuak asteartean onartutako dekretuak horretarako bidea ematen duen arren.
Hala, ebazpena oinarri hartuta, lehendakariak LABI instituzionala bilduko du arratsaldean, 16:30ean, eta maiatzaren 9tik aurrera indarrean egongo diren behin betiko neurriak adostuko dituzte. Ondoren, 18:30 aldera, Urkullu bera azalduko da kazetarien aurrera xehetasun guztiak ematera (zuzenean jarraitu ahalko da eitb.eus-en).
Zure interesekoa izan daiteke
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.