Hauek dira erkidego bakoitzean indarrean dauden neurriak
Espainiako Gobernuak ezarritako alarma-egoera bertan behera gelditu ostean, koronabirusaren hedatzeari aurre egiteko neurri murriztaile batzuk desagertu egin dira eta beste batzuk, ostera, bere horretan mantendu dira. Hala ere, egoera ez da berdina autonomia erkidego guztietan.
Gehienek, ordea, etxeratzeko agindua kentzea eta itxiera perimetrala altxatzea erabaki dute.
Andaluzia
Andaluziako Juntak erkidegoko mugak zabaldu ditu eta etxeratzeko agindua altxatu du. Gainera, sei pertsona baino gehiagoko bilerak egin ahal dira eremu pribatuan.
Ostalaritzaren itxiera ordua 24:00etara atzeratu du, eta ia urtebeteren ondoren gaueko ostalaritzak 02:00ak arte zabaldu ahal du.
Aragoi
Aragoik etxeratzeko agindua eta erkidegoaren itxiera perimetrala bertan behera uztea erabaki du.
Dena dela, konfinamendu perimetralari eutsiko diete dagoeneko indarrean dagoen udalerri eta eremuetan.
Funtsezkoak ez diren jardueren eta ostalaritzaren itxiera ordutegiak mantendu egingo dira: 3. alerta mailara arte, 22:00etan; 3. alerta mailatik gora, 20:00etan.
Asturias
Asturiasek ere erkidegoko mugak ireki ditu.
Asturiasko Gobernuak sistema berri bat diseinatu du. Horren arabera, ezingo ditu kontzejuak itxi, baina bai, ordea, intzidentzia metatu altua duten auzoak edo herriak.
Jende topaketak egiteko debekua eta itxiera perimetrala ere, bertan behera gelditu dira.
Tabernen barrualdean afariak eman ahalko dituzte, mahai bakoitzean gehienez ere sei pertsonarekin. Itxiera ordutegia 01:00a arte zabaldu dute. Hala ere, ezingo dute barran zerbitzatu.
Balearrak
Balear Uharteetako Justizia Auzitegi Nagusiak (TSJIB) etxeratzeko agindua 23:00etatik 06:00etara mantentzea babestu du. Uharteetarako joan-etorriak justifikatu egin behar dira, eta, behar izanez gero, osasun kontrolak egingo zaizkie. Halaber, gehienez ere sei pertsona elkartu ahalko dira, barrualdean zein aire librean.
Kantabria
Kantabrian etxeratzeko agindua, itxiera perimetrala eta pertsonen arteko bilerak mugatzen zituzten neurriak bertan behera gelditu dira.
Hala ere, Gobernuak neurri zehatzak hartu ahalko ditu udalerrietan, pandemiaren bilakaeraren arabera. Ostalaritzari dagokionez, aldaketarik ez: ezingo dute barnealdean zerbitzatu eta edukierak bere horretan mantenduko dira.
Gaztela eta Leon
Gaztela eta Leonek etxeratzeko agindua eta erkidegoaren konfinamendu perimetrala kendu ditu. Gainera, ostalaritza ixteko ordutegia 24:00ak arte zabaldu da. Halaber, tabernen barnealdea itxiko du 100.000 biztanleko 150 kasu baino gehiago dituzten udalerrietan.
Gaztela-Mantxa
Gaztela-Mantxan etxeratzeko agindua eta erkidegoaren konfinamendu perimetrala bertan behera geratu dira.
Katalunia
Generalitateak etxeratzeko aginduaren eta itxiera perimetralaren amaiera iragarri ditu. Hala ere, bilera sozialak sei pertsonara mugatzea erabaki du.
Gainera, jatetxeen ordutegia 23:00ak arte luzatu du eta mahai bakoitzean gehienez ere lau pertsona eseri ahalko dira.
Kanariak
Kanarietako Gobernuak ere ez dio etxeratzeko aginduari eta itxiera perimetralari eutsi, Kanarietako Auzitegiak bi neurri horien kontrako ebazpena eman ostean.
Hala ere, Kanarietako Gobernuak kasazio helegitea aurkeztuko du Auzitegi Gorenaren aurrean.
Madrilgo Erkidegoa
Ez dago etxeratzeko agindurik, eta taberna eta jatetxeek 24:00etan itxi ahalko dute.
Valentziako Erkidegoa
Generalitateak etxeratzeko aginduari eutsi dio (00:00 - 06:00), baina itxiera perimetrala altxatu du.
Gainera, ezingo dira 10 pertsona baino gehiago elkartu ez eremu publikoan eta ezta eremu pribatuan ere, bizikideak diren kasuan izan ezik.
Extremadura
Ez da ez etxeratzeko agindurik ezta itxiera perimetralik maiatzaren 9tik. Gainera, ostalaritza ixteko ordutegia gauerdira arte atzeratu dute.
Galizia
Etxeratzeko agindua eta erkidegoaren itxiera perimetrala ezerezean utzi ditu Galiziako Xuntak. Gainera, ostalaritzako ordutegiak zabaldu ditu.
Errioxa
Itxiera perimetralari eta etxeratzeko aginduari amaiera eman dio Errioxako Gobernuak. Gainera, ostalaritza ixteko ordutegia 24:00ak arte luzatu da.
Murtzia
Murtziako Gobernuak bertan behera utzi ditu etxeratzeko agindua eta lurraldearen itxiera perimetrala. Ostalaritzako ordutegia zabaldu dute 06:00etatik 00:00etara.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.