Araba Encounterrek balantze "oso positiboarekin" amaitu du zortzigarren edizioa
Araba Encounterrek 8. edizioa itxi du igande honetan, "intentsitate handiko" hiru egunen ostean. Programatutako 52 jarduerak "aurreikusitakoaren arabera" egin dira, antolatzaileek adierazi dutenez.
340 plaza birtual jarri zituzten parte-hartzaileen eskura eta hasi aurretik agortu ziren guztiak. Hori dela eta, antolatzaileek eskerrak eman dizkiete partaide guztiei, online formatuaren "mugak" gorabehera, "azken hilabeteetan egiten ari diren Encounter ekitaldien edizioei ematen ari diren erantzunagatik".
Halaber, 16 hitzaldi eta prestakuntza konferentzien "maila altua" nabarmendu dute. Besteak beste, adimen artifiziala, ziurtagiri digitalak, zibersegurtasuna eta bideo-jokoak izan dituzte aztergai, eta "jarraipen handia" izan dute streaming bidez. Euskal Encounterreko Youtubeko kanalean daude edonorentzat eskuragarri.
Araba Encounterreko antolakuntzatik azpimarratu duenez, arte digitaleko, software libreko, hardwareko eta jokoetako dozenaka lehiaketatan parte hartu dute zaleek, eta, oro har, "party presentzial baten parametro berberetan" garatu dira.
Gipuzkoa Enconter, Euskal Encounter eta XGN R Encounterren azken edizioetan gertatu den bezala, Araba Encounter ere online izan da eta parte-hartzaile guztiak etxetik konektatuta egon dira. Antolakuntzak "areto birtualak" prestatu ditu Discord plataformaren bidez jarduerak garatzeko.
Era berean, 'lanpartie' presentzial guztietan erabiltzen duen tresna propioa, partyNet izenekoa, egokitu dute, "internet bidez % 100 erabiltzeko", eta hala, antolatutako lehiaketa guztietan parte hartu ahal izateko.
Aurreko Encounter ekitaldietan bezala, streaminga izan da "hari nagusia" eta, hiru egunetako programa eman da Twitch kanalaren bidez, prestakuntza-jardueren berri emateko, elkarrizketak, erreportajeak eta musika-emanaldiak barne.
Ekitaldia Euskaltel Fundazioak antolatu du, Euskaltelen, Arabako Foru Aldundiaren eta Eusko Jaurlaritzako Ekonomiaren Garapen, Jasangarritasun eta Ingurumen Sailaren laguntzarekin, SPRIren bidez, eta Arabako Parke Teknologikoan egon da kontrol unitatea instalatuta.
Zure interesekoa izan daiteke
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.