Egiaren aldeko Biologoak, diskurtso negazionistarekin bat egiten duen beste talde bat
Egiaren aldeko Biologoak izeneko talde negazionista berri bat sortu da, pandemiaren jatorriari buruzko konspirazio-teorien alde egiten duen taldea. Kolektibo honen jarraitzaileek, besteak beste, ezbaian jartzen dituzte txertoen onurak.
Horren aurrean, tentsio giroa nagusitu da azken hilabeteotan talde zientifiko honen baitan, adibidez, Euskadiko elkargo ofizialean. Madrilgo Erkidegoan ere, adierazpen instituzional bat egin dute, auzitegietara joko dutela mehatxu eginez.
Egiaren aldeko Medikuen ildo beretsutik sortu da Egiaren aldeko Biologoak taldea, eta, antzekotasun handiak dituzte pandemiari buruzko baieztapen faltsuak sareetan zabaltzeko orduan, elkarren artean harremanak baitituzte.
Noiz sortu da?
Egiaren aldeko Medikuak Estatu mailan aurkeztu eta gutxira, uztailean, Jon Ander Etxebarria Euskadiko Biologoen Elkargo Ofizialeko (COBE) dekanoak artikulu polemiko bat sinatu zuen, koronabirusaren pandemiaren funtsezko alderdiak ukatuz.
Euskadiko Biologoen Elkargo Ofizialaren webgunean argitaratu zen testua, baina berehala kendu zuten bertatik, eta artikuluan esandakoak dekanoaren "iritzi pertsonala soilik" zirela argitu zuen Gobernu Batzordeak.
Elkargoak ohar batean zehaztu zuenez, Etxebarriaren artikuluaren edukia ez zen aurrez erakundearen zuzendaritzarekin "eztabaidatu, adostu edo babestu", eta ez zuen Euskadiko biologoen "pentsaera" ordezkatzen.
Hainbat tirabira izan ziren horren ostean, eta, azkenean, martxoan, Gobernu Batzordeko hamaika kideetako zazpik dimisioa eman zuten. Etxebarriak abendura arte jarraitu behar zuen karguan, baina dimisio horien ondorioz, uztailean deituko ditu hauteskundeak.
Madrilgo Erkidegoko Biologoen Elkargo Ofizialak ere adierazpen bat argitaratu zuen otsailaren 8an, talde negazionistako kidea zen Almudena Zaragozaren "iritzietatik" aldentzeko. Elkargoaren arabera, Zaragozak pandemiari buruz egindako hipotesietan "ikerketa zientifikoek bermatzen dituzten egungo ezagutzen desitxuratzea eta interpretazio ez-zuzenak daude".
Zer babesten dute?
Egiaren aldeko Medikuen ildoari jarraikiz, biologo talde honek informazio faltsua zabaltzen du sare sozialen bidez, hala nola RNA mezulariaren covid-19aren aurkako txertoek giza genoma aldatzen dutela, PCR probak ez direla eraginkorrak edo asintomatikoek ez dutela kutsatzen.
"Egiaren defendatzaile" direla esaten dute, eta hedabideetako ustezko zentsuraren aurrean, gizarteari esnatzeko deia egiten die. Baina zientifikoki frogatuta dauden ikerketak ukatzen dituzte, eta horien ordez, inolako babes zientifikorik ez duten eta sinesgarriak ez diren zenbait ikerketa baieztatzen dituzte.
Horren harira, Zaragozak dio Egiaren aldeko Biologoek "beste egile batzuk" aztertu dituztela, ofizialak ez direnak, frogarik gabe, eta "interes ekonomikoa" izatea leporatzen die. Horren esanetan, bere diru-sarrerak PCR probetan eta txertoetan espezializatutako farmazia-laborategien menpe daude.
Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.