AstraZenecaren txertoa jaso duten 60 urtetik beherakoen bigarren dosia, Pfizerrena
Espainiako Estatuko Osasun Publikoaren Batzordeak erabaki du AstraZenecaren lehenengo dosia jaso duten 60 urtetik beherako pertsonen kasuan Pfizerrena izango dela bigarren dosia, bien konbinazioa segurua eta eraginkorra dela egiaztatu dutelako.
ComiVacS Carlos III.a Osasun Institutuaren entseguen ostean egindako batzarrean erabaki dute Espainiako Gobernuko eta erkidegoetako arduradunek prozesu hori onartzea, bi txertoak uztartuta immunitatea indartzen dela eta aparteko albo kalterik eragiten ez dela egiaztatu baitu.
Ikerketa horrez gain, beste herrialde batzuetako ikerketak eta Oxforden entsegu klinikoak ere hartu omen dituzte aintzat, Osasun Ministerioak prentsa-ohar batean azaldu duenez.
Osasun Ministeriotik gogorarazi dute Frantzian, Alemanian, Portugalen, Suedian eta Finlandian ere bi txertoak uztartzearen alde egin dutela.
Hala eta guztiz ere, Pfizerren bigarren dosia jaso nahi ez dutenek AstraZeneca aukeratu ahal izatea aztertzen ari dira, baina hori oraindik Osasun Publikoaren Batzordean eztabaidatzen jarraituko dute.
Bi milioi herritar dira egoera horretan daudenak, 55 urtetik beherako oinarrizko langileak gehienak, eta datozen egunetan emango diete bigarren txertoa, dosien arteko tartea 12 astetik 16ra luzatu ostean.
Horri esker, eta "asteotan iristen ari diren txerto kopuruarekin", "txertaketaren erritmoak oso azkarra izaten jarraituko du", Osasun Ministerioaren arabera.
Espainiako Gobernuak mahai gainean jarritako proposamena onartu dute, nahiz eta zientzialari eta mediku andana horren aurka agertu.
Zenbait erkidego ere kontra agertu dira. Gaur gauean bertan, Enrique Ruiz Escudero Madrilgo Osasun kontseilariak esan du ez duela ulertzen irizpidea, eta AstraZenecaren bigarren dosia ematen jarraituko dutela, "babes teknikoa" dutelako.
Pentsamendu berekoa da Andaluziako Gobernua ere, eta "irmo" defendatu du AstraZenecaren bigarren dosiarekin ixtea immunizazio prozesua.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP8ko auto-ilarak Orioko zubian, baina errei batek itxita jarraitzen du Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.