Sagardui: "AstraZenecaren ordez Pfizer emanda, txertaketa moteldu egingo da"
Espainiako Osasun Publikoaren Batzordeak atzo erabaki zuen AstraZenecaren lehenengo dosia jaso duten 60 urtetik beherako pertsonen kasuan Pfizerrena izango dela bigarren dosia, konbinazioa segurua eta eraginkorra dela egiaztatu dutelako.
Gaur, Gotzone Sagardui Osasun sailburuak esan du aukera horren ondorioak aztertzen ari dela Eusko Jaurlaritza, eta ohartarazi du, hala eginez gero, Pfizerren dosiak jaso behar dituzten herritarren txertaketa bi astez atzeratuko litzatekeela.
Osasun Publikoaren Batzordeak hartutako erabakia ez da behin betikoa; izan ere, arratsalde honetan (18:00) Lurraldeen arteko Osasun Kontseilua bilduko da eta erkidegoetako agintariek ebazpen hori berretsi ala ez adostu beharko dute.
Testuinguru honetan, Sagarduik esan du hainbat gauza argitzeko daudela oraindik, hala nola AstraZenecaren lehen dosia jaso duen pertsona batek konpainia horren bigarren dosia jar diezaiotela eska dezakeen edo ez. "Kontu hau ez zuten atzoko bileran zehaztu", deitoratu du.
Halaber, AstraZenecaren lehen dosia jarrita duten pertsona askok bigarren dosirik ez jartzea erabaki dezaketela eta hori ere kontuan hartu beharra dagoela esan du.
Araban, Bizkaian eta Gipuzkoan 83.000 lagunek jaso dute AstraZenecaren lehen dosia eta bigarrenarekin zer gertatuko den argitzeko zain daude. Maiatza bukaerarako, 50.000 baino gehiago izango dira bigarren dosia hartzeko 12 asteko epea agortuta izango dutenak.
AstraZenecaren lehen dosia hartu dutenei Pfizerrena eman behar zaiela baieztatuz gero, konpainia horrekin egin beharreko txertaketa prozesua bi astez atzeratuko litzatekeela ohartarazi du Sagarduik, Pfizerrena jaso behar duten pertsonei emateko beste dosi ez dagoelako.
Horrez gain, Sagarduik gogora ekarri du ez dakitela AstraZenecaren hurrengo dosiak noiz jasoko dituzten, ezta zenbat izango diren ere. Halaber, azpimarratu du 60 eta 69 urteko pertsonak ere AstraZenecaren bigarren dosia jasotzeko zain daudela.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.