57ra jaitsi dira Nafarroan atzemandako kasu berriak eta % 2,7ra positibitatea
Koronabirusaren pandemiak beheranzko joerarekin jarraitzen du Nafarroan, ostiral honetan 57 kasu positibo berri atzeman ostean (bezperan baino 15 gutxiago). Osasun sistema publikoan 2.109 proba egin zituzten (bezperan baino ia 400 gehiago) eta horietako % 2,7k eman zuten positibo.
Tafalla eta Valtierra dira positibo berri gehien agertu diren herriak (bosna) eta ondoren, Corella, lau kasurekin. Iruñean, Alde Zaharra eta Mendillorri dira auzo kaltetuenak, hiruna covid-19 kasu berri zenbatu baitituzte atzo.
Astean zehar 49 kasu detektatu dira Foru Erkidegoan astelehenean ( % 2,3), 71 asteartean ( % 3), 60 asteazkenean ( % 2,6), 72 ostegunean ( % 3,6) eta 60 ostiral honetan ( % 2,8).
Kutsatze berrien zonaldeei dagokienez, Iruñean eta bere eskualdean atzeman ziren atzoko kasu berrien % 47, Tutera aldean % 18 eta Lizarraldean % 7. Gainerako positiboak ( % 28) Nafarroako beste leku batzuetan banatuta zeuden.
Kasu berrien adin-tarteei dagokionez, 45-59 urte bitarteko taldea da nagusi, % 28rekin; ondoren, 15-29 urte bitarteko taldea dago, % 25ekin. Ondoren, 30-44 urteko taldea daude ( % 23) eta 15 urtetik beherakoena ( % 17). Azkenik, 60 eta 75 urte bitartekoen taldea dago ( % 5), eta 75 urtetik gorakoena ( % 2).
Txertaketa-prozesuari dagokionez, 5.063 dosi eman zituzten atzo. Horrela, Nafarroan 359.878 txerto jarri dituzte jada eta 124.650 pertsonak osatu dute pauta osoa.
Nafarroako Gobernuak jakinarazi du asteburu honetan beste 7.000 dosi emango dituztela Foru Erkidegoan: 4.700 dosi baino gehiago Iruñean eta eskualdean (UPNA eta Maristen Eskola ohia); 1.400 dosi Tuterako Osasun Eremuan (Tuterako Jesuiten Ikastetxeko kiroldegia); eta 800 dosi baino gehiago Lizarrako Osasun Eremuan (Garcia Orcoyen Ospitalea).
Ospitaleetako okupazioari dagokionez, 80 pertsona zeuden covid-19agatik ospitaleratuta ostiralean (bezperan baino 10 gutxiago), eta horietako 17 ZIUn zeuden.
Atzo ez zen inor hil Nafarroan covidagatik eta 1.182 heriotza baieztatu dira guztira, pandemia hasi zenetik.
Bestalde, covid-19aren positibotasuna % 5aren azpitik jaitsi da berriro Euskadin; % 4,4an kokatu da, hain zuzen ere. Bitartean, ZIUetan dauden paziente larrien kopuruak zertxobait behera egin du azken orduetan.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.