Ikasturtea Nafarroan goizeko ordutegi jarraituarekin hasiko da
2021/2022 ikasturtea Nafarroan goizeko ordutegi jarraituarekin hasiko da, "osasun-agintariek arrisku epidemiologikoak hala eskatzen duela uste duten bitartean". Hala ere, Carlos Gimeno Hezkuntza sailburuak esan du ez direla baztertzen beste ordutegi batzuk, hala nola, ordutegi jarraitua eskolaz kanpoko jarduerekin edo ordutegi zatitua.
Gimenok datorren ikasturterako kontingentzia plana aurkezteko prentsaurrekoan azaldu duenez, Hezkuntzak "aurrez aurreko hezkuntzarekiko konpromisoa berritzen du" eta "ez dute baztertzen ikasturte arrunta izatea ikastetxe bakoitzak ezarrita duen ordutegiarekin".
"Pandemiaren bilakaera dela eta, osasun agintariek baldintza desberdinak ezarriko balituzte, protokoloa egoera berrira egokitu beharko litzateke", esan du.
Hala, iazko ikasturtearekin alderatuta, "egoera epidemiologikoak hala eskatzen badu, ordutegiari dagokionez aldaketak sartzeko aukera aurreikusten da". Eta, sailburuak zehaztu duenez, ikasturteko bi une zehatzetan izango litzateke. "Hilabeteko epea izango da ikastetxeen, irakasleen eta garraio eta jantokiko zerbitzu osagarrien ordutegiak behar besteko bermeekin berrantolatu ahal izateko", azaldu du, eta aldaketak "urriko lehen hamabostaldian edo Gabonetako oporren ondorengo lehen hamabostaldian" egin ahal izango direla gaineratu du.
Hezkuntza Sailak bi egoera desberdin aurreikusten dituela azaldu du sailburuak. Alde batetik, irakaskuntza-jarduera presentziala etapa eta ikasturte guztietan, pandemiaren bilakaeraren arabera. "Egoera horren barruan, bi egoera daude: bata, neurriak lasaitzeko, eta, bestea, normaltasunera itzultzeko aukera", azaldu du.
Bigarren aukera, zentro bat, batzuk edo guztiak erabat ixtea izango litzateke, osasun-agintariek zehaztutakoaren arabera.
Zure interesekoa izan daiteke
Oihane Mateos, Orain EITBren albiste zerbitzu digitalaren burua, hil da
Kazetaritzari eta etxe honi lotutako ibilbide profesional oparoa garatuta, 45 urterekin zendu da.
Kanoikadak Donostia astinduta abiatu dira jaiak
Euriak ez du unea zapuztu, eta Onintza Mokoroak metxa piztearekin batera lehertu da festa Gipuzkoako hiriburuan. Euskal dantzek protagonismo berezia izan dute, hiriko zortzi taldek eman baitiote hasiera Aste Nagusiari.
Piraten baltsek Kontxako badia hartuko dute berriro astelehenean
Piraten abordatzeak milaka parte-hartzaile bilduko ditu berriro Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.
Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.