Elkarretaratzea deitu du Harrera Sareak Irunen, Bidasoako heriotza salatzeko
Hendaiara iritsi nahian Bidasoa ibaian itota hil den lehen pertsonaren kasuaren aurrean zerbait egiteko eskatu die Irungo Harrera Sareak erakunde publikoei, eta gertatuaren aurka protesta egiteko, elkarretaratzea deitu dute igande honetan, 11:30ean, Azken Portun, gorpua agertu zen tokian. Hildakoa Boli Kostako 28 urteko gazte bat da, EiTB Mediak jakin ahal izan duenez. Espainiara Kanariar Uharteetatik sartu zen, ondoren Granadatik eta Madriletik igaroz, Irunera iritsi arte.
"Atzo bertan prentsaurrekoa eman genuen Irungo mugan migratzaileen aurkako jazarpen eta ehiza egoera salatzeko. Eta heriotzak eragingo dituela iragarri genuen gainera.
24 orduren ostean lehen heriotza jazo da" adierazi du Harrera Sareak, komunikabideetara bidalitako ohar batean.
Bidasoa zeharkatzeko saiakerak "normalizatzen" ari direla ohartarazi dute. Izan ere, Europako beste herrialde batzuetara bidaiatzen jarraitzeko asmoz Irunera iristen diren migratzaileak "ezin dira zubietatik eta dauden pasabideetatik igaro, eta, beraz, are bide arriskutsuagoak hartzen dituzte" ohartarazi dute. Horren aurrean, "ez dugu heriotza migrazioaren sinonimo gisa normalizatuko" defendatu dute.
Migratzaileei egiten zaien harrera kudeatzeko erakunde arteko mahaia osatzen duten Irungo Udalari, Gipuzkoako Foru Aldundiari eta Eusko Jaurlaritzari zein Europako instituzio ezberdinei egun indarrean diren neurriak kentzeko eskatu diete: "Pertsonak hiltzera bultzatzen dituen kontrolean oinarritutako migrazio-politikak aplikatzeari uzteko eskatzen diegu. Ceutan, Kanarietan eta orain zirkulazio askatasuna duela dioen Europako barne muga batean, Schengen espazioan. Beste migrazio- eta harrera-politika batzuk posible dira. Ez ditzatela aplikatzen dituzten politika horiek aukera bakartzat aurkeztu. Gezurra da. Alternatibak badaude".
Bi pertsonak uretara jauzi egin dute goizean Irunen, bat hilik atera dute eta bestea Hendaian erreskatatu dute
Eusko Jaurlaritzako larrialdi zerbitzuek pertsona baten gorpua atera zuten atzo goizean Bidasoa ibaitik, Irun parean. Hain zuzen ere, migratzaile baten gorpua dela argitu zuen Harrera Sarea plataformak eta "hau gertatuko zela ikusia" zegoela salatu zuen.
Dirudienez, bizilagun batek ohartarazi zuen 11:00k aldera gorpua ikusi duela ibaian, eta, ondoren, aurkitu eta atera egin zuten larrialdi zerbitzuek.
Bestalde, Irungo Harrera Sareak baieztatu zuenez, adingabe bat erreskatatu zuten atzo goizean, hori ere Bidasoa ibaian, baina beste ertzean, Hendaian. Kasu honetan ere migratzailea zen erreskatatutako pertsona, eta egoera larrian atera zuten uretatik. 16 urteko Burkina Fasoko gazte bat da Hendaian erreskatatutakoa.
Harrera Sareak jakitera eman duenez, adingabea "biluzik eta hilzorian" zegoen erreskatatu zutenean, eta bizilagunek "jantzi" eta "suspertu" egin zuten; horren ostean, gaztea bidaia jarraitzen saiatu zen, baina "bi ordu geroago Frantziako Poliziak Irunera itzuli zuen". Horren aurrean, hori legez kanpokoa dela eta "adingabeak adingabeen zentro batera eraman" behar direla gogorarazi du migratzaileen eskubideen aldeko plataformak.
Irungo alkateak "gure esku dauden baliabide guztiak" eskaini ditu
Jose Antonio Santano Irungo alkateak "tristura handia" agertu du eta "gure esku dauden baliabide guztiak" eskaini ditu "laguntzeko". Alkateak Josu Erkoreka Segurtasun sailburuarekin hitz egin duela jakinarazi du, koordinatzeko eta udal laguntza eskaintzeko.
"Giza drama" horren aurrean, "guztion hausnarketa sakona" eskatu du Santanok, "etsipenak pertsona horiek bizitza jokatzera eta, tamalez, galtzera eraman ez ditzan".
Eusko Jaurlaritza "atsekabetuta"
"Aukera baten bila ari den pertsona batek bizitza galtzea" gertaera "tristea eta gogorra" dela adierazi du Eusko Jaurlaritzak eta "atsekabea" agertu du gaur goizean Irunen gertatu denagatik.
Xabier Legarreta Jaurlaritzako Migrazio eta Asilo zuzendariak ohar batean adierazi duenez, gertatutakoa "argitzea" espero du, eta koordinazioan dira Segurtasun Sailarekin.
"Euskadin, Espainian eta Europan konpromiso kolektiboak eskatzeko unea da", baita "migrazio eta harrera politiketan gizatasuna eta eskubideak" eskatzeko unea ere.
Zure interesekoa izan daiteke
Apirilak 8, Ijito Herriaren Nazioarteko Eguna Euskal Herrian
Ijito Herriaren Nazioarteko Eguna ospatzeko, urtero hainbat ekimen eta elkateratze egiten dira Euskal Herriko zenbait herritan. Bilboko Otxarkoaga auzoan, EAEko lehen hiri-bankua estreinatu dute bandera erromaniarra margotuta.
Espetxera bidali dute Berrizen emaztea labankadaz larri zauritzeagatik atxilotutako gizona
Biktimak, 38 urteko emakumeak, zainketa intentsiboetako unitatean jarraitzen du. Arma zuriz eraso egin zion bikotekideak, familiak duen etxebizitzan bertan, eta lau seme-alaben aurrean. Emakumea Gurutzetako Ospitalera eraman zuten zauri larriekin, helikopteroz. Halaber, biktimaren alabetako bat, 15 urteko adingabea, arin zauritu zuen aitak.
HaurSare sortu da, haurren gaitz kroniko konplexuak eta zainketa aringarriak artatzeko Osakidetzaren sare integrala
Helburua da errealitate horri erantzun ordenatuagoa, bidezkoagoa eta eraginkorragoa ematea, gaixotasunaren faseetara eta adingabeen kasuan kasuko konplexutasun mailara egokituko den "etengabeko asistentzia" batekin. Horretarako, pediatrek, pediatriako erizain espezialistek, gizarte langileek eta psikologoek osatutako diziplina anitzeko taldeak egongo dira, eta 24/7 laguntza eskainiko dute.
Realzaleak beldur dira, ez ote dituzten hegaldiak atzeratuko edo bertan behera utziko, Sevillako aire kontrolatzaileen greba dela eta
Kopako finalerako 10 egun falta direnean, Saerco enpresako langileen grebak Andaluziako hiribururako hegaldiak arriskuan jarri ditu. Txuri-urdinen jarraitzaileek eta aldez aurretik planifikatu beharko dute bidaia, atzerapen eta gorabehera posibleak kontuan hartuta.
Gizon bat atxilotu dute Donostian, emakume bati sexu-erasoa egitea leporatuta
Atxilotuak 33 ditu eta, egozten zaionaren arabera, emakumea indarrez eraman zuen parking bateko sarrerara. Han, immobilizatzea lortu eta erasoa egin zion.
Adamuzko istripuaren gaineko Guardia Zibilaren azken txostenak dio istripuaren bezperan hautsi zela burdinbidea
Montoroko epategian egindako ikerketaren arabera, inguruko argindar-sistemako tentsioak behera egin zuen, baina ez zenez gutxieneko atalasea baino baxuagoa izan, ez zen alarmarik sortu.
Espainiako Gobernuak maiatzean onartuko du 16 urtetik beherakoek sare sozialak izatea debekatzeko legea
Sare sozialetan sartzeko gutxieneko adina eta sare sozialen edukietan ateratzeko gutxieneko adina 16 urtera igoko da.
Gizon bat atxilotu dute Gasteizen, bizikletako giltzarrapoarekin laguntza eskatu eta urruntze-agindu bat urratzea egotzita
Gasteizko Udaltzaingoak 25 urteko gizon bat atxilotu du, bizikletaren giltzarrapoa irekitzen laguntzera joan zaizkion agenteak urruntzeko agindu judizial bat urratu duela ohartu direnean.
Bost pertsona atxilotu dituzte Bizkaian, ia 300 kilo speed entregatu behar zituztela egotzita
Atxiloketak lurraldeko hainbat udalerritan egin dituzte. Gainera, lau etxebizitza miatu dituzte, Bilbon eta Galdakaon. Espainiako Estatuan atzemandako substantzia horren kopuru handienetako bat da.
Zirkulazioa arina izan da eta trafiko-istripuetan ez da inor hil Aste Santuan, EAEn
2025eko datuekin alderatuta, % 0,2 jaitsi dira joan-etorriak EAEn, eta % 29 murriztu da istripuen kopurua. Apirilaren 1etik 6ra bitartean 78 trafiko-istripu zenbatu dituzte.