"Gehiegizko baikortasuna" izateko arriskuaz ohartarazi du Urkulluk
Iñigo Urkullu lehendakariak koronabirusaren inguruko "gehiegizko baikortasunaz eta katastrofismoaz" ohartarazi du eta birusak "hemen" jarraitzen duela azpimarratu du. Horrela mintzatu da lehendakaria Miren Gorrotxategi Elkarrekin Podemos-IUko bozeramaileak Eusko Legebiltzarreko gaurko kontrol saioan egin dion galderari erantzunez. Horrez gain, "manipulazioa eta egia erdiak" salatu ditu.
Eusko Legebiltzarreko kontrol saioan, EAEko osasun egoeraren inguruan galdetu dio Miren Gorrotxategi Elkarrekin Podemos-IUko legebiltzarkideak lehendakariari, eta osasun mentaleko sistema "indartzeko" premiazko plan bat eskatu dio Eusko Jaurlaritzari.
Gorrotxategiren esanetan, pandemia honetan % 27 igo dira suizidioak, eta ugaritu egin dira herritarrek psikiatrarengana egiten dituzten bisitak ere. Ildo horretan, osasun mentaleko plan hori osasun publikoaren lege berrian sartu behar dela uste du Gorrotxategik. "Tabua apurtu eta Parlamentura ekarri behar da", defendatu du.
Urkulluk osasun egoeraren balorazio "positiboa eta itxaropentsua" egin du, baina larrialdi egoerak bere horretan jarraitzen duela gogorarazi du. Lehendakariak "erne" egoteko deia egin du "birusak hemen jarraitzen duelako".
Osasun mentalari dagokionez, Urkulluk gogorarazi du Eusko Jaurlaritzaren Osasun Planak osasun mentaleko arreta ere bere baitan jasotzen duela. Gaineratu duenez, aurten bertan Osasun Legearen proiektua aurkeztuko du Eusko Legebiltzarrean. Halaber, pandemiak osasun mentalean duen eragina aztertzeko Betirako programa abiatu dutela esan du.
Agerraldian, gehiegizko katastrofismoaz eta gehiegizko baikortasunaz ohartarazi du lehendakariak, eta kezkatuta agertu da "manipulazioarekin eta egia erdiekin, datu partzialen eta puntualen alderaketa partzialekin".
Zure interesekoa izan daiteke
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
3,5 kilometroko auto-ilarak AP-8an, Orioko zubian izandako istripu baten ondorioz
Kamioi baten eta auto baten arteko talkak ilarak eragin ditu AP-8an, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.