Lehendakariak LABIren bilera deitu du ostiral honetarako
Iñigo Urkulluk LABI instituzionalaren batzarra deitu du ostiral honetarako, hilaren 18rako, koronabirusari aurre egiteko neurriez hitz egiteko.
Euskadiko Babes Zibileko Planaren (LABI) batzarra 16:30ean hasiko da Lehendakaritzan, eta erabakitzen dutena erabakitzen dutela, gaur egungo neurriak indarrean egongo dira astelehenera arte gutxienez, Jaurlaritzako iturrietatik azpimarratu dutenez.
2. Mailako Agertokia
Eusko Jaurlaritzak atzo iragarri zuen ez dituela covid-19aren aurkako osasun neurriak arindu nahi 100.000 biztanleko intzidentzia metatua 150 kasutik behera mantentzen dela baieztatu arte, atzo hamar hilabetean lehen aldiz gertatu zen bezala.
Hala eta guztiz ere, kutsatzeen beherakadaren ondorioz, EAE 3. agertokitik 2.era jaitsi zen asteartean, Osakidetzaren planean ezarritako bost mailetatik bigarren baxuenera.
Eusko Jaurlaritzaren 'Bizi Berri' pandemia kudeatzeko kudeaketa planaren 2. agertokiak jardueren amaiera eta establezimenduen itxiera atzeratzea aurreikusten du, goizaldeko ordu batera hain zuzen ere. Gainera, merkataritzako, azoketako, merkatuetako, aire zabaleko kultur jarduerako eta kultu zentroetako edukiera handitzea jasotzen du. Era berean, ostalaritzan mahai bakoitzean egon daitekeen pertsona kopurua 4tik 6ra igoko litzateke.
'Txoko' eta elkarte gastronomikoak irekitzea ahalbidetzen du 2. Agertokiak, ordutegiak eta edukiera mugatuta; barrualdean kirola egiteko 10 pertsona elkartzea; kirol ekitaldietan publikoa egotea (% 60ko edukierarekin, eta gehienez 800 pertsona barruan eta 1.200 aire zabalean); taldekako bestelako jardueretan pertsona kopurua handitzea; eta aire zabaleko igerilekuetan, lorategietan, hoteletako terrazetan eta kanpinetan edukiera % 60ra handitzea.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.