Zaurgarritasuna eta babes falta, elizan adingabeei egindako sexu-abusuen gakoak
Euskal Herriko Unibertsitateak parte hartu duen ikerketa batek agerian utzi du "ekimen gutxi" daudela Eliza katolikoan adingabeei egindako sexu-abusuak eta abusu horien "larritasuna" salatzeko. Aranzadi argitaletxean argitaratzeko bidean dagoen proiektuak jardunbide egokien ereduak eskaintzen ditu, erakundeek, erlijiosoek zein publikoek, oro har, eta gizarte zibilak "biktimekiko elkartasun-erantzunak" gara ditzaten. Diziplina anitzeko lana da, 2018tik 2021era egina.
Kataluniako Unibertsitate Irekiko (UOC) Josep Mª Tamaritek, Bartzelonako Unibertsitateko (UB) Noemí Peredak eta Euskal Herriko Unibertsitateko (EHU) Gema Varonak egindako ikerketaren arabera, "urteetan zehar gertatutako biktimizazioari buruzko ikerketa sakonik ez da inoiz egin, behar bezala konpondu ahal izateko eta biktimek konponbide horretarako sarbide uniformea izan dezaten".
Ikerketa 'Erakunde erlijiosoetan adingabeei egindako sexu abusuak: erantzun errestauratiboak, biktimologiatik' izeneko jardunaldian aurkeztu dute, Euskal Herriko Unibertsitateko Carlos Santamaria Zentroko auditorioan, Donostian. Ikertzaileek azaldu dutenez, Estatuan egindako abusu mota horren inguruko ikerketa guztiak biltzen ditu, emaitzak beste herrialde batzuetan lortutakoekin alderatzeko.
Ikerketa koordinatuak "biktimek jasandako kalte sakon eta iraunkorra" jasotzen du, "bai jasandako delituari dagokionez, baita bigarren mailako biktimizazioari dagokionez, edo askotan biktimak ezkutatu, isilarazi, nahastu eta, batzuetan, erruduntzat jotzeko joera duen erantzun instituzional batek erantsitako kalteari dagokionez".
Lan horrek agerian uzten du, halaber, "gehienbat elizgizonek egin zituztela sexu-abusuak; izan ere, aurrez biktimek tratu txarren inguruan zituzten esperientziak ezagutzen zituzten, eta, hala, oso zaurgarriak ziren eta ez zuten babesa emango zioten ingururik. Horrek guztiak elizgizonen zigorgabetasuna ziurtatzen zien".
EHUko lantaldeak, zehazki, alderdi instituzionalak edo antolakuntzakoak aztertu ditu, eta "traizio instituzional eta espirituala" delakoak eragindako kaltea aztertu du. Kontzeptu hori ikerketa konparatu espezializatuetan erabiltzen da.
Argitalpena
Justizia errestauratzaileko programak ere eskatu dituzte, "biktimei ordain morala eta ekonomikoa emateko moduak aurkitzeko". Aranzadi argitaletxea argitaratzen dabilen proiektuak jardunbide egokien eredu zehatzak eskaintzen ditu, erakunde erlijioso eta publikoei, oro har, bai eta gizarte zibilari ere, "biktimekiko elkartasun-erantzunak zintzotasunez eta konpromisoz garatzeko aukera ematen diena, haiek asko balioesten dituzten bi alderdi horiek". Halaber, "beste herrialde batzuek arazo sozial horri modu arrakastatsuan aurre nola egin dioten" erakusten du.
Zure interesekoa izan daiteke
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.