Abisu horia ezarri dute Erriberan 36 ºC-ko maximoak espero direla eta
Tenperaturek gora egingo dute uztaileko lehen asteburuaren hastapen honetan. Igoera hori nabarmenagoa izango da barnealdean eta Erriberan. Hori horrela, Aemet Espainiako Meteorologia Agentziak muturreko tenperaturengatik abisu horia ezarri du gaurko eremu horretan.
Abisua 14:00etatik 20:00etara egongo da indarrean. Aemeten arabera, 36 ºC harrapatu daitezke Erriberako hainbat txokotan, bereziki Bardeetan.
Euskalmet Euskal Meteorologia Agentziak ez du abisurik ezarri, baina barnealdean sargori egingo duela ohartarazi du (30 ºC inguru aurreikusi ditu). Hala, Gasteizen beroenak balio horretan egongo direla iragarri du, eta Guardian, hortik gora (31 ºC). Kostaldean, berriz, 25 ºC-koak izango dira maximoak.
Iragarpenaren arabera, ostiralean ostarteak eta hodeigunean tartekatuko dira zeruan ipar partean. Hegoaldean, aldiz, giro eguzkitsua izango da nagusi. Arratsaldean hodeiak ugarituko dira, eta egunaren amaieran Ipar Euskal Herrian ekaitz kutsuko zaparradaren bat bota dezake. Haizea suabe ibiliko da, ekialdetik goizean eta iparraldetik arratsaldetik aurrera.
Larunbatean, tenperaturek behera egingo dute eta hodeiak ugarituko dira. Dena den, erdi mailako hodeiak eta goi hodeiak izango dira; horregatik, ez du ia euririk egingo, eta egitekotan ipar partean egingo luke. Horrenbestez, leku gehienetan ateri eutsiko dio. Goizaldean baliteke Ipar Euskal Herrian eta Pirinioetan trumoi ekaitzak jotzea. Hegoaldean eguraldia lasaiagoa izango da, eta tenperatura maximoak 25-30 ºC ingurukoak izango dira. Goizean mendebaldeko haizea ibiliko da, eta arratsaldean iparraldetik finkatuko da.
Igandean ez da aldaketa handirik espero: giro goibelagoa ipar partean, eta hegoaldean, argiagoa. Isurialde atlantikoan baliteke han-hemenka euri zarrastaren bat botatzea, batez ere goizean eta ipar-ekialdean. Arratsaldeak aurrera egin ahala, hodeitza arinduz joango da. Ipar edo ipar-mendebaldeko haizea ibiliko da eta tenperatura maximoek behera egingo dute. Isurialde atlantikoan 20 ºC-ren bueltan geldituko dira, eta barnealdean, oro har, 25 ºC-ren azpitik.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.