18-29 urtekoen txertaketa eta 60-67koen bigarren dosia aurreratuko dute Nafarroan
Nafarroan izaten ari den covid-19 kasuen igoera ikusita, eta Indiatik datorren Delta aldaera ziztu batean hedatzen ari dela kontuan izanda (azken egunotan atzemandako kasu berrien ia % 30 aldaera honetakoak dira), Nafarroako Gobernuko Osasun Departamenduak txertaketa egutegia aldatzea erabaki du bi kolektibo garrantzitsutan.
Alde batetik, hilaren amaierarako aurreikusita zegoen 18 eta 29 urte bitarteko gazteen txertaketa (80.000 pertsona) aste batzuk aurreratuko da, uda hasiera honetan izaten ari diren agerraldietako protagonista den adin-tarte hori immunizatzen hasteko. Izan ere, gazteen artean diagnostikatzen ari dira kutsatzeen % 70, Nafarroako Gobernuak emandako datuen arabera. Hori dela eta, Osasun Sailak dagoeneko zabaldu du kolektibo hori txertatzeko aukera ohiko bideetatik, eta txerto-horniduraren arabera jarriko dute lehen dosia.
Uztailean, bigarren dosiaren zain diren adin-talde guztietako pautak ixtea aurreikusita zegoen, berez. Hori dela eta, webera sartu eta txertorik ez dagoela adierazten badu zerbitzuak, ez kezkatzeko eta aurrerago saiatzeko adierazi du Osasun Departamentuak, data berriak eskainiko baitira etengabe, Nafarroara txerto gehiago iritsi ahala.
Bestalde, Osasun Sailak lehenbailehen immunizatu nahi ditu kolektibo zaurgarrienak, eta horien artean daude AstraZenecaren lehen dosia jaso zuten eta, orain, bigarren dosiaren zain diren 60 eta 67 urte bitarteko herritarrak. 12 asteko tartea utzi beharra dago, berez, formula honekin, lehen eta bigarren dosiaren artean, baina txertaketa partzialki aurreratzea erabaki du Gobernuak, bi astez, EMAren eskari eta gomendio teknikoak jarraituz.
Kolektibo horretako pertsonekin, banan-banan jarriko dira harremanetan eta hitzordua borondatez aldatzeko eskaintza egingo diete. Aldaketa lekuan lekuko agendaren gaitasunaren arabera egingo dute. Talde horretako 57.000 herritar ia guztiek hilabetea amaitu baino lehen pauta guztiz osatuta izatea da helburua. Hori bai, talde txiki bat abuztuaren hasierarako geratuko da, dosien arteko tartea errespetatzeko.
Gaur egun, 40 urtetik gorako nafarren % 90ek dosi bat du gutxienez, eta % 55 erabat immunizatuta dago.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtekoetara zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira talde biolentoetako kideak, Ertzaintzaren uruaren arabera
"Elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi zitzaizkien, eta azkenean liskarra gertatu zen. Ertzaintzaren buruak adierazi du atxilotuek ez dutela banda edo talde biolentoekin loturarik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.