Aburtok erantzukizuna eta konpromisoa eskatu ditu Bilboko kasuen gorakadaren aurrean
Juan Mari Aburto Bilboko alkatea kezkatuta agertu da covid-19aren pandemiaren bilakaerarekin. Hori dela eta, herritarrei erantzukizuna eta konpromisoa eskatu die, "birusak gure artean jarraitzen duelako".
Alkateak "kezka" agertu du koronabirusak Bilbon duen eraginagatik; izan ere, Euskal Autonomia Erkidegoan bezala, intzidentzia tasa 100.000 biztanleko "150 positibotik gora" dago.
"Bizi Berri III planaren arabera, eszenatoki ezberdin batean egongo ginateke", adierazi du Aburtok, eta gaineratu du "egia dela ospitaleko tentsioa txikiagoa dela", eta hori "albiste ona dela, baina ezin gara lasaitu".
LABIren Aholku-Batzordeak datorren asteazkenean, uztailak 7, murrizketa berriak ezartzeko aukeraren inguruan galdetuta, alkateak "arlo zientifikotik, teknikotik eta epidemiologikotik" helarazten dituzten irizpideei itxarotea eta erantzutea eskatu du.
"LABIren Aholku-Batzorde teknikoak zer dioen ikusi behar da", adierazi du Udaleko arduradunak, eta batzuetan erabaki "oso gogorrak" hartu behar direla esan du, baina "erabateko erantzukizunez" hartzen direla gaineratu du.
Aburtok onartu du aurten Bilbo Aste Nagusirik gabe uztea erabaki "gogorra" izan dela. "Hirian dugun ekitaldirik nazioartekoena da, baina arduraz jokatu behar izan genuen, hiriarentzat eta osasunarentzat zer zen ona pentsatuz", azaldu du.
Alkateak eragile guztien adostasuna azpimarratu du, aurten festarik egon ez dadin eta "datorren urteko jaietan gure ilusio guztiak jartzeko, gainerakoak bota beharko baitira eta pandemia gaindituaren egoeran egitea espero dugu", adierazi du.
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.