12 eta 15 urte arteko gazteek gaurtik aurrera hartu ahalko dute txertoa jasotzeko hitzordua EAEn
Araba, Bizkai eta Gipuzkoako 12 urtetik gorako biztanleek txertatzeko hitzordua hartu ahalko dute uztailaren 21etik aurrera, Osakidetzaren webgunearen bidez, Gotzone Sagardui Eusko Jaurlaritzako Osasun sailburuaren esanetan.
12 eta 15 urte bitarteko 87.000 gaztek izango dute txertoa hartzeko hitzordua eskatzeko aukera, sailburuak Gobernu Kontseiluaren osteko prentsaurrekoan azaldu duenez.
"Horrela, talde horren txertaketa prozesua ikasturtea hasi baino lehen hasiko da", erantsi du Sagarduik.
Gaur-gaurkoz, 29 urtez azpiko 146.094 pertsonak dute jada txertoa hartzeko hitzordua, baina oraindik ere 40.000 hutsune daude, gehienak oporrak direla-eta txertaketa atzeratu dutenenak edo koronabirusa dutenez oraindik txertatu ezin direnenak, Osasun sailburuaren arabera.
"Hitzordu hutsen kopurua gero eta handiago da, eguna joan eguna etorri. Gazteak kutsatzen ari dira gehien, eta kutsatu eta sei hilabete igaro arte ezingo dute txertoa jaso", azaldu du.
"Agertoki guztiz berria"
Osasun sailburuaren hitzetan, 100.000 biztanleko 14 eguneko intzidentzia-tasa metatuta seikoiztu egin da azken asteotan, eta ospitaleratutako pertsonen kopurua hazten ari da, "aurreko olatuen korrelazio bera ez badu ere". Azken olatu honetan ospitaleratutako pertsonen batez besteko adinak behera egin duela ere jakinarazi du, 52,49 urtekoa baita.
Egun, 218 pertsona daude ospitaleratuta EAEn koronabirusaren ondorioz: 174, gela arruntetan, eta 44, ZIUetan.
"Agertoki guztiz berria da. Herritarrak jakitun dira. Maskaren erabilera murriztu egin da. Badirudi beldur sentsazioa galdu dela. Udak, oporrek, atseden hartzeko eta erlaxatzeko beharrak birusa hedatzen lagundu dute", adierazi du Sagarduik, eta "ezin dugu dena txertaketaren esku utzi", gaineratu du.
Txertaketa prozesua "aurrera" doala esan du sailburuak, eta gehitu du joan den astean milioi bat pertsona baino gehiago zeudela EAEn bigarren dosia hartuta. Gaur egun, "16 urtetik gorako Euskadiko biztanleen % 62k baino gehiagok amaitu dute txertaketa prozesua".
Zure interesekoa izan daiteke
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa ingurua vs hirigune handiak: hirietako bi autoko hiru daude landaguneetan
Trafiko Zuzendaritza Nagusiaren (DGT) azken erregistro ofizialen arabera, Hego Euskal Herriko landa-ingurunean metropoli-eremuetan baino % 55 auto gehiago daude biztanleko, eta kasu batzuetan herriko bizilagunen kopurua gainditzen dute.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.
Genero-arrakala, Euskadiko mugikortasunean: Gizonezkoen joan-etorrien % 46k autoa erabiltzen dute eta emakumezkoen % 50 oinez
Eguneroko joan-etorrien % 40 autoz egiten dira. 19 urtetik beherakoak mugikortasun jasangarriaren buru dira, haiek baitira bizikleta eta garraio publikoa gehien erabiltzen dituztenak.
Autoa, Hegoaldean: gero eta zaharragoa, dieselak nagusi jarraitzen du eta elektrikoen presentzia oso txikia da
Euskadiko eta Nafarroako turismoen batez besteko adinak bi urte baino gehiago egin du gora (ibilgailuek 12 urte dituzte, batez beste). Errekuntzakoak (diesela eta gasolina) nagusitzen dira, eta ibilgailu elektrikoen kopurua oso txikia da (% 2tik beherakoa).
Sokamuturra berriro egiteak zatiketa eragin du Eibarren
Eibarren, bigantxak kalera aterako dituzte datorren astean, azken urteetan desagertua zen sokamuturrari berriro helduz. Udalerrian eztabaida erabatekoa da, aldekoen eta kontrakoen artean, eta zatiketa eragin du. Zatiketa horren erantzule egiten dute oposizioko alderdiek alkatea bera.
Sei adingabe artatu dituzte bero-kolpeen ondorioz, AP-68an, Kuartango parean, autobusak matxura izan ondoren
Arazo mekanikoa 13:10 aldera jazo da, ibilgailua Zaragozarantz zihoala, trenbidearen bazterbidean geldirik geratu denean matxura baten ondorioz. Autobusean 60 pertsona inguru zihoazen, gehienak 15 urte inguruko nerabeak.
GIB diagnostiko berantiarren kopurua % 60ra igo da Euskadin
Osasun Sailak uste du HIESaren eta STIen inguruko estigmak diagnostikoa atzeratzen duela eta kutsatzeko arriskua handitzen duela. Osakidetzarekin batera, "Parktikatu sex-carea" kanpaina abiarazi du.