Nafarroako Gobernuak berriro eskatuko dio Justiziari etxeratze-agindua onar dezala
Javier Remirez Foru Gobernuko lehen presidenteorde eta bozeramaileak iragarri duenez, Nafarroako Gobernuak foru agindu berri bat emango du etxeratzearen beharra "behar bezala arrazoitzeko". Nafarroako Justizia Auzitegi Nagusiak astearte honetan etxeratze agindua atzera bota ostean iritsi da iragarpena.
Justiziak atzera bota du araua, neurria justifikatzen duten datuen zehaztasun eskasa argudiatuta.
"Nafarroako Gobernuaren nahia da foru agindu berri bat ematea, kasu honetan behar bezala arrazoituko duena gaueko mugikortasuna 01:00etatik 06:00etara mugatzea, Nafarroako Justizia Auzitegi Nagusiak gaur adierazi dituen irizpideei jarraikiz", azpimarratu du Remirezek, ostiral honetan indarrean jarri ahal izateko eta uztailaren 19ko 24/2021 Foru Aginduaren iraupen berarekin.
Javier Remirezek berretsi du etxeratze-agindua, gaur goizaldetik indarrean sartzea nahi zutena, "ezinbesteko eta beharrezko neurria" dela Nafarroako zati handi batean dagoen kutsatze kopuru handiari aurre egiteko. Gainera, Remirezek azpimarratu du proposatutako neurriak "ezinbesteko gutxienekoa" direla Foru Erkidegoaren babesa bermatzeko eta oreka berreskuratzen saiatzeko.
Bestalde, Foru Aginduan jasotako beste neurriak gauerdian sartuko dira indarrean. Araua uztailaren 29ra arte egongo da indarrean, Nafarroako Gobernuak ohar baten bidez jakinarazi duenez. Nafarroako Gobernuko bozeramailearen hitzetan, Nafarroako Justizia Auzitegi Nagusiak babestu egin du lurralde osoan 10 pertsona inguru biltzea, eta herri bazkariak, kalejirak eta entzierroak debekatzea.
Zure interesekoa izan daiteke
Lekukoen deklarazioen txanda, Lukas Agirreren heriotzaren epaiketan
Fiskalak 22 urteko kartzela-zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.