Hidrohegazkin batek 45 minutuko itzalaldia eragin du sare elektrikoan, istripu bat izan ostean
Hidrohegazkin batek 45 minutuko itzalaldia eragin du larunbat honetan sare elektrikoan, tentsio oso altuko argindar linea batekin istripua izan ostean, eta penintsulako sare elektrikoa Europako gainerako tokietatik aldi baterako deskonektatzea eragin du.
Hain zuzen ere, hidroabioiak Espainiako Sare Elektrikoaren "400.000 volteko tentsio oso altuko linea batekin" izan du istripua, eta matxura horrek ehunka mila etxeri eragin die, arratsaldeko lehen orduan. Hori dela eta, Euskadiko eta Nafarroako familia asko argirik gabe geratu dira.
Nafarroan, batez ere, Lizarraldea izan da gunerik kaltetuena, eta Ayeguin ere arazoak izan dituzte argindarrarekin. Argi-mozketak Tuteraraino iritsi dira, eta Udaltzaingoak zentralita ez kolapsatzeko eskatu die herritarrei, egoeraz galdezka dei ugari jaso baitituzte.
Argi-mozketak arratsaldeko lehen orduan izan dira (16:30etik 17:00etara), eta 45 minutu inguru iraun dute, batez ere Euskal Autonomia Erkidegoan (EAE), Nafarroan, Madrilen, Katalunian, Andaluzian, Aragoin, Gaztela eta Leonen, Extremaduran eta Murtzian.
Era berean, Portugalgo hainbat tokitan ere arazoak izan dira. Kaltetutako eremuetako batzuk hauek dira: Lisboa, Sintra, Estoril, Setubal, Vila Nova de Famalicão, Guimarães, Braga eta Algarve.
Dena dela, arazoa konponduta dago jada, eta interkonexioa eta hornidura elektrikoa konponduta daude dagoeneko, Espainiako Sare Elektrikoak Twitter bidez zabaldutako mezu batean azaldu duenez.
Zure interesekoa izan daiteke
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.
Hego Euskal Herrian premiazko txertaketa baimendu dezala eskatu dio Espainiako Gobernuak Europar Batzordeari, dermatosi nodularrari aurre egiteko
Frantziako estatuarekiko mugatik hurbil dauden eskualdeetan txertatu nahi ditu Espainiako Gobernuak abelburu guztiak, hau da, Euskadin, Nafarroan eta Aragoin. Izan ere, azken orduetan foku gehiago agertu dira Frantziako Estatuan, mugatik hurbil, gainera. Neurri horren helburua da gaixotasunaren hedapena eten eta gainerako erkidegoetara ez iristea.