Gaztelugatxe eta Bermeo arteko bidea zabaldu dute, lurra egonkortzeko lanak amaitu ostean
Mendi hegala finkatzeko eta Ermu eta Lurgorri arteko zatiko zorua hobetzeko obrak bukatu ditu Bizkaiko Foru Aldundiak; horrenbestez, Gaztelugatxe eta Bermeo lotzen dituen bidea erabilgarri dago berriro gaurtik aurrera. Hala ere, zehaztu dutenez, babestutako gunera heltzeko Urizarretatik sartu eta Ermutik ateratzen den noranzko bakarreko bidea izango da.
Foru erakundeak jakinarazi duenez, bisitarien segurtasuna bermatzeko egin dira lanok. Izan ere, geologo talde batek azterketa batzuk egin zituen urtarrilean izandako luiziak zergatik izan ziren aztertzeko, etorkizunean gehiago ez izateko; hala, eremu osoa zatitan banatu dute, ezegonkortasun mailaren arabera.
Etorkizunean arazorik eta arriskurik ez izateko, Bizkaiko Aldundiak sentsoreak jarri ditu lurren mugimenduak erregistratzeko. Gainera, Matxitxakoko estazio meteorologikoan jasotako prezipitazioen datuak aztertuta, horiei aurre egiteko neurriak xehetasunez hartu dituzte.
Horrez gain, bisitarien kopurua kontrolatzeko sarreren sistema erabiltzen jarraituko dute. Hala, covid-19ari aurre egiteko babes neurriei eusteko, eguneko 960 pertsonako muga izango da, eta Urizarretatik sartu eta Ermutik irteten den noranzko bakarreko bidea erabili beharko dute bisitariek.
Albiste gehiago gizartea
Arantzazura eraman dituzte jada Donostian kalean bizitzen egon diren Maliko 50 migratzaileak
Gurutze Gorriak Oñatira eraman ditu gaua Donostian igarotzen zuten Maliko migratzaileak, aldi baterako ostatu batera. Amara auzoan kalean zeuden 50 afrikarrei Arantzazuko aterpean eman diete ostatu, asilo eskaria bideratu bitartean. Ostiral honetan eraman dituzte Amara Berri ikastetxe publikotik, Donostiako Kofradien plaza ondotik.
Joxe Mari Kortaren Bidetik Fundazioak amaiera eman dio bere ibilbideari, enpresaburua hil eta 25 urtera
Gaur 25 urte bete dira ETAk Joxe Mari Korta enpresari zumaiarra hil zuenetik. Haren familiak eta lagunek omenaldi xume bat egingo diote Arroako hilerrian. Urteurren borobil honekin bat eginez, bukatutzat emango da berak ordezkatzen zituen balioetatik abiatuta sortutako fundazioaren lana.
Bidarten chikungunya bigarren kasu autoktonoa antzeman dute, tigre-eltxoek transmititzen duten gaixotasuna
Ipar Euskal Herriko autoritateek herria fumigatuko dute larunbat goizaldean, abuztuaren 9an, 03:00etan.
Gizon bat atxilotu dute Bilbon, Atxuri auzoko eraikin bateko fatxadari su emateagatik
Suak ez du inor zauritu. Sutea telefono mugikor batekin grabatzen topatu dute inguru horretan atxilotutako gizona.
Aner Uriarte Bilboko epaile dekanoak ukatu egin du euskararen aurkako epailerik dagoenik: "Asmakeria bat da"
Lan-eskaintza publiko batzuek ezarritako euskara-baldintzak aldatu dituzten azken epaiei dagokienez, Aner Uriarte Bilboko epaile dekanoak ukatu egin du justizia-administrazioan euskararen aurkako ideia "hitzartua" dagoenik.
Gasteizko Mugimendu Feministak "intentsitate handiko" bi sexu-eraso salatu ditu ostegun gauean
Elkarretaratzea larunbat honetan izango da, 20:00etan, Andre Maria Zuriaren plazan. Azken erasoak salatzeaz gain, erasotzaileengan jarri nahi dute arreta.
Neolitoko kanibalismoaren aztarna berriak aurkitu dituzte Atapuercan
Ikertzaile talde batek gutxienez 11 pertsonaren aztarnak aurkitu ditu Atapuercako aztarnategian. Azaldu dutenez, aztarnek 5.700 urte inguru dute, eta larrutu, hezurra eta haragia bereizi, kozinatu eta kontsumitu izanaren markak dituzte.
Atun gorria gizentzeko Getariako uretan Aztik eta Balfegok dituzten kaioletan lehenengo 50 hegalaburrak sartu dituzte
Hegalaburraren lehen 50 aleak Getariako gizentzeko itsas haztegiko bi kaioletan daude dagoeneko. Tunidoak sardina eta berdel izoztuekin elikatuko dituzte urriaren amaierara arte, eta hil horren amaieran sakrifikatuko dituzte. Hartuko dituzten kiloak gantza dira, atunaren haragian sartzen den koipea.
Donostiako Amara auzoan kalean bizi diren 50 pertsona migratzaileei Arantzazun ostatu emango diete
Gipuzkoako Foru Aldundiak, Donostiako Udalarekin lankidetzan, aldi baterako ostatu bat prestatu du Oñatin.
Edurne eta Zeledon Txikiren jaitsierak Andre Maria Zuriaren plaza bete du txikien egunean
Aiora Diaz, Los Alegrios kuadrillako 12 urteko neska, eta Eñaut Saenz de Viteri, Galtzagorri kuadrillako 10 urteko blusa, izan dira aurtengo Edurne eta Zeledon Txiki. Eguerdian, txupinazoarekin batera, Zeledon Txikiren eta Edurneren panpinak San Migel elizako dorretik jaitsi dira. Ondoren, Aiora eta Eñaut elizako balkoira itzuli dira eta, handik festaz gozatzeko deia egin diete Gasteizko haur guztiei.