Ertzaintzak botiloiak eta jende pilaketak desegin ditu Donostian, Bilbon, Deban eta Urretxun
Ertzaintzak goizaldean esku hartu du Donostian, Bilbon, Deban eta Urretxun botiloiak eta pilaketak desegiteko; izan ere, koronabirusaren pandemiaren aurkako osasun-neurriak urratzen ari ziren.
Eusko Jaurlaritzako Segurtasun Sailak jakitera eman duenez, 01:50ak aldera, Ertzaintzak Donostiako Urbitarte pasealekura jo du, auzotarren kexak jaso ostean, pertsona taldeek sortutako zaratengatik eta musikagatik.
Ertzainek megafoniaz osasun-araudia betetzen ari ez zirela jakinarazi ostean, pertsona batzuek botilak eta objektuak jaurti dizkiete, eta horiek karga bat egin behar izan dute.
Goizaldeko ordu biak pasata, Urretxuko Ipeñarrieta inguruan pertsona asko botiloi bat egiten ari zirela jakinarazi diete. Ertzaintzaren herritarren babeserako taldeak iritsi bezain laster, bertan bildutako pertsonak sakabanatu egin dira. Horietako bi identifikatu eta kalean edateagatik zigorra ezartzeko proposatu dituzte, eta polizia-auto batek harri baten kolpea jaso du.
Bestalde, Bilbon, goizaldeko ordu bi eta erdiak aldera, Ertzaintzaren eta Udaltzaingoaren patruilak bertaratu dira, Levante plazan pertsona talde ugari zeudelako.
Hasiera batean, megafoniaz ohartarazi diete pandemiaren aurkako arauen aurka egiten ari zirela. Jarraian, haietako batzuek botilak eta objektuak jaurti dizkiete ertzainei. Ertzaintzak taldeak desegin ditu, gertakari gehiago erregistratu gabe.
Azkenik, goizaldeko hirurak aldera, Debako Alameda inguruan beste botiloi bat desegin du Ertzaintzak. Bertaratutakoek botilaren bat bota diete ertzainei, baina laster normaltasuna berreskuratu dute.
Nafarroan
Foruzaingoak 11 botiloi eta elkarretaratze desegin ditu asteburu honetan Nafarroako hainbat herritan, covid-19aren osasun-araudia eta etxeratze-aginduaren ordutegia urratzeagatik.
Azken bi asteetan, Foruzaingoak 102 salaketa jarri ditu etxeratze-agindua ez errespetatzeagatik, 42 maskara ez erabiltzeagatik eta 37 legez kanpoko botiloietan parte hartzeagatik.
Gainera, Foruzaingoak 28 urteko gazte bat atxilotu du Sarrigurenen, borroka jendetsu batean, arma zuriz mehatxu egitea egotzita. Zortzi lagun identifikatu dituzte, eta horietako bat ospitalera eraman behar izan dute, buruan odola zerion zauri bat zuelako.
Zure interesekoa izan daiteke
Lau adingabe ikertzen ari dira, Lasarte-Orian, bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriko Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira, eta 'Negare' polizia operazioak zabalik jarraitzen du. Oraingoz, 28 kaltetu identifikatu dituzte, batzuk Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.