206 positibo atzeman dituzte Nafarroan, azken hilabeteko kopururik txikiena
Bi aste jaisten eman ondoren, badirudi Nafarroa koronabirusaren kutsatze-oldeari eusten hasi dela. Azken 24 orduetan, 206 positibo berri erregistratu dira, igandean baino 77 kasu gutxiago, Nafarroako Gobernuak emandako datuen arabera.
Horrela, azken hilabeteko kasu kopururik txikiena da atzokoa; datu hobeak aurkitzeko, uztailaren 2ra arte egin behar da atzera, 152 kasu atzeman baitziren egun hartan.
Gainera, 2.064 proba diagnostiko egin dituzte, eta positibotasun tasa % 10ekoa izan da.
Kasu gehien atzeman diren auzo eta udalerriei dagokienez, Tutera Ekialdea da zerrendaburua, 13 positiborekin. Ondoren, Lizarra, bederatzi kasurekin, eta Burlata, Sarriguren, Tutera Mendebaldea eta Iruñeko Arrotxapea eta Donibane auzoak daude, zazpinarekin.
Hildako bat Nafarroako adinekoen egoitzetan
Bestalde, astelehenean sei gaixo ospitaleratu dituzte, horietako bi ZIUn. Horrela, guztira 114 gaixo daude Nafarroako erietxeetan (bezperan baino bederatzi gutxiago), eta 21 lagun daude egoera kritikoan, igandean baino bat gehiago.
Hasiera batean hildakorik egon ez dela jakinarazi badute ere, Erriberriko adinekoen egoitzako egoiliar baten heriotzaren berri eman du Carmen Maeztu Nafarroako Eskubide Sozialen kontseilariak.
Igandean beste bat zendu zen Lizarrako San Jeronimo egoitzan. Horrenbestez, bi dira azken orduetan covid-19ak jota hildako adinekoak. Azken bost hilabeteotan ez da halako kasurik egon.
Txertaketa kanpainari dagokionez, 5.946 txerto jarri dituzte astelehenean. Horrela, 401.741 nafar guztiz babestuta daude jada.
Zure interesekoa izan daiteke
Laredon, euskal gazteen kontrako "ehiza" gertatzen ari dela diote hainbat euskal udatiarrek
Udalak gertakari isolatuak direla dioen arren, biktimek eta euren familiek uste dute, erasook soilik euskal herritarrei egiten dizkietela, euskal herritar izateagatik. Gazteen kontrako dozena bat erasotik gora zenbatu ditu poliziak uda honetan Kantabriako udalerrian.
8.000 hektarea kaltetu dira Huelvako sutean, eta 500 bizilagun inguru ebakuatu dituzte
Tirig (Castello) udalerrian ostiralean piztutako suak kontrolik gabe jarraitzen du, eta Cati herriko bizilagunak etxetik ateratzeko agindua eman du Generalitateak.
Eklipseek ikusmin handia piztu izan dute beti Euskal Herrian, baina segurtasunez ikusi behar dira
Orain mende bat ikusi zen azkenekoz eguzki eklipse oso bat Euskal Herrian. Zorionez, herritarren kontzientzia hobetu egin da. Eklipseak modu seguruan ikusteko betaurrekoak 1990eko hamarkadan agertu ziren.
Munduko bazterretatik etorri dira Euskadira, eklipsea ikustera
Estatu Batuetatik, Poloniatik, Herbehereetatik eta Alemaniatik, besteak beste, etorritako taldeek gure lurraldea aukeratu dute fenomenoa ikusteko.
Suhiltzaileek mendean hartu dute Elgeako mendilerroan piztutako baso sutea
Bart piztu dira garrak, ustez ekaitzaren ondorioz, tximista batek eragin duela uste baitute. Sutea kontrolpean hartu eta garrak itzali ondoren, suhiltzaileak gunea freskatzen geratu dira.
Bederatzi agentek kolpeak jaso dituzte igandean Araban eta Gipuzkoan izandako esku-hartzeetan
Segurtasun Sailak gertakariak gaitzetsi ditu, eta adierazi du "kezka handiz" ikusten duela poliziaren aurka indarkeria erabiltzea.
Dolumin mezu ugari, Oihane Mateos gogoan
Orain EITBren albiste zerbitzu digitaleko burua bart zendu da, eta zorigaiztoko albistea jaso eta berehala, erreskadan etorri dira samin agurrak.
Auto gidari bat hil da N-132 errepidean, Gasteizen, Lizarrarako noranzkoan
Istripua 12:30ean gertatu da, eta ibilgailuak txandaka bideratu dituzte tarte horretan, errepidea erabat garbitu arte.
Donostiak jendetza hartu du Aste Nagusiko lehen gauean
Pertsona ugari bildu dira Donostiako kaleetan Aste Nagusiaren lehen egunean jai giroaz gozatzeko. Su artifizialek ikusle ugari erakarri dituzte, eta zerua kolorez bete dute. Zezensuzkoak ere ilusioa eta dibertsioa piztu ditu, batez ere haur eta nerabeen artean.
Nola jakin daiteke noiz gertatuko den eklipse bat?
Astronomoek zehaztasunez kalkula dezakete noiz gertatuko den eklipse bat, Ilargiaren, Eguzkiaren eta Lurraren orbitak ikusita.