Covid-19aren aurkako txertoaren hirugarren dosia atzeratzea eskatu du MOEk
Munduko Osasun Erakundeak (MOE) covid-19aren aurkako txertoen hirugarren dosi bat jartzea atzeratzea eskatu du gaur, Israelek eta Alemaniak adineko pertsonei errefortzu dosi bat eskaintzea erabaki ostean.
"Ulertzen dugu gobernuak kezkatuta daudela beren herritarrak delta aldaeratik babesteko, baina ezin dugu onartu txertoen hornidura gehienak erabili dituzten herrialdeek are gehiago erabiltzea, munduko populazio ahulenek babesik gabe jarraitzen duten bitartean", adierazi du Tedros Adhanom Ghebreyesus MOEko zuzendari nagusiak.
Mundu osoan emandako 4.000 milioi txertoetatik, % 80 baino gehiago diru-sarrera handiko eta ertaineko herrialdeetan txertatu dira, hau da, munduko biztanleriaren erdia baino gutxiago osatzen duten herrialdeetan.
Tedrosek azaldu duenez, eskatzen duen luzapena irailaren amaierara artekoa izango litzateke, hau da, herrialde bakoitzeko biztanleriaren % 10ari gutxienez txertoa jartzea lortzeko epea. Baliabide gutxien dituzten herrialdeen kasuan, COVAX proiektuaren bidez lortuko dituzte txertoak, txertoak bidezko moduan eskuratzeko diseinatutako planari esker.
Denborak aurrera egin ahala, txertoen eskuragarritasunaren desberdintasuna handitzen ari da, MOEko adituek ohartarazi dutenez. Europak biztanleriaren erdia baino gehiagori eman die txertoa, eta Ameriketako Estatu Batuek % 70 ingururi; Afrikan, ostera, biztanleen % 2k soilik dute txertaketa-jarraibide osoa, eta % 5ek dosi bat jaso dute.
Zure interesekoa izan daiteke
Goiz gorabeheratsua Bilbo inguruko errepide nagusietan
Barakaldon istripua izan da, Ansioko bihurguneetan, Donostiako noranzkoan, eta pertsona bat zaurituta eraman dute ospitalera. Bestaldem lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.