LABIk astebetez luzatu ditu EAEn indarrean dauden murrizketak
Euskal Autonomia Erkidegoak (EAE) astebetez luzatu ditu covid-19a gehiago ez hedatzeko indarrean dauden neurriak. Hala iragarri du Gotzone Sagardui Osasun sailburuak, LABIren batzorde teknikoak egindako bileraren ostean egindako agerraldian.
Azken 14 egunetako intzidentzia tasa metatuaren "bilakaera positiboa" nabarmendu du Osasun arloko arduradunak. Gaur-gaurkoz 100.000 biztanleko 507 kasutan dago. Pilatutako tasak 18 egun daramatza jaisten, baina "altua" izaten jarraitzen du. Horrez gain, ospitaleetako egoera kezkagarria da oraindik, eta, hala, batzorde teknikoak uste du "zuhurrena" neurriak mantentzea da, abuztu hasieratik atzemandako beheranzko joera finka dadin.
Sagarduik iragarri duenez, batzorde teknikoa gaur zortzi bilduko da, hilaren 26an.
Indarrean dauden neurriak
Horrela, ostalaritzak 01:00ean itxi beharko ditu ateak, eta lokal eta instalazio guztietarako baimendutako gehieneko edukiera % 35ean mantenduko da. Halaber, gizarte, kultura edo kirol ekitaldietako gehieneko pertsona-kopuruak honakoa izaten jarraituko du 1.600 pertsona hartzeko edukiera duten esparruetan: 400 gehienez barrualdean, eta 600, kanpoaldean.
1.600 eta 5.000 bitarteko esparruetan, aldiz, 600 gehienez barrualdean, eta 800, kanpoaldean. 5.000 pertsonatik gorako edukiera duten esparruetan, % 20ko edukiera izango da gehienez.
Txertoa hartzeko deia, beste behin
Osasun sailburuak gaurko agerraldia baliatu du koronabirusaren aurkako immunizazioa oraindik jaso ez duten horiei zuzentzeko, bereziki birusa igaro duten horiei. Izan ere, gaixotasuna pasatu eta bi hilabetera eman ahalko zaie txertoa herritar horiei. Horren ildoan, jakinarazi du Osakidetzak 40.000 SMS mezu bidali dituela duten aukeraren berri emateko.
Horrez gain, argitu du ZIUetan dauden 75 pertsonetatik 49 txertatu gabe zeudela. Horrek agerian uzten du, Sagarduiren esanetan, inokulazioak ondorio larriak ez izateko duen ahalmena. Era berean, pauta osoa jasota zutenen artean kutsatu direnak % 0,50 dira.
"Ez dago jairik"
Koronabirusa dela medio, Donostiako eta Bilboko jaiak bertan behera geratzearen harira, Sagardui irmo mintzatu da: "Ez dago jairik, ez Bilbon, ez Donostian, ez beste inon. Pandemian gaude. Ez-jaiak ez-jaiak dira; erantzukizun kolektibo eta indibidualez jokatu behar dugu".
Zure interesekoa izan daiteke
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Hantabirusaren agerraldia "kontrolatuta " dagoela uste du Rafael Bengoak: "Orain kasu positiboen jarraipena egin behar da"
Radio Euskadiko Boulevard saioan egin dioten elkarrizketan Rafael Bengoa Osasun Publikoko adituak azaldu duenez, hantabirusak sortutako egoera "kontrolpean" dago, eta, horren esanetan, kasu positiboen jarraipen zuzena egitea da orain garrantzitsuena. Bestalde, hantabirusaren infekzio ahalmena txikia dela eta sintomak dituztenek kutsatzen dutela azpimarratu du.
Lekukoen deklarazioen txanda, Lukas Agirreren heriotzaren epaiketan
Fiskalak 22 urteko kartzela-zigorra eskatu du 2022ko Gabonetan gaztea labankadaz hiltzeagatik akusatutako hiru lagunetako birentzat.
Kamioi batek istripua izan du eta bi errei itxi dituzte AP-68 autobidean, Zuia parean, Gasteizerako noranzkoan
Istripuaren ondorioz, kamioiak zama galdu du, eta gidaria Txagorritxu Ospitalera eraman dute. Errei bakarra dago irekita, eta, ondorioz, auto-ilarak sortu dira.
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.