11 atxilotu eta 8 agente zauritu, goizaldean Iruñean izandako istiluetan
11 pertsona atxilotu dituzte, hainbat delitu egotzita, eta 8 udaltzain zauritu dira ostiral goizaldean Iruñeko Alde Zaharrean izandako istiluetan. Udaltzainetako batek harrikada bat jaso du, Udaltzaingoak jakitera eman duenez.
Agenteek Alde Zaharreko hainbat gune hustu behar izan dituzte, jende pilaketengatik. Udaltzaingoaren arabera, osasun neurriak urratzeaz gain, bertan zeuden hainbat pertsonek objektuak jaurti dizkiete agenteei.
Zehazki, San Gregorio kalea bi aldiz hustu dute goizaldean zehar. Poliziak jakitera eman duenez, kalea jendez lepo zegoen eta hainbat lagun bertako etxebizitzetako balkoietara igotzen saiatu dira.
Lehen hustea arazorik gabe egin duten arren, bigarrenean istiluak izan dira. Poliziak azaldu duenez, bertan zeuden pertsonek botilak eta beste hainbat objektu jaurti dizkiete agenteei. Bertan, bi pertsona atxilotu dituzte, horietako bat adin txikikoa.
3:00ak aldera, Polizia Udal Artxibo ingurura gerturatu da, 500 pertsona inguruko jende pilaketa baitzegoen. Agenteek azaldu dutenaren arabera, bertan zeuden pertsonek musika altua zuten jarrita eta zalaparta eragiten ari ziren.
Udaltzainak autoetatik jaitsi direnean, botilak eta harriak bota dizkiete, aipatutako iturrien arabera. Taldea desegiteko hainbat saiakera egin dituzten arren, bertan zegoen jendearen jarrera "bortitza" izan da.
Lau atxilotu Bilbon
Ertzaintzak 23 eta 29 urte bitarteko lau pertsona atxilotu ditu goizaldean Bilbon, covid-19ari aurre egiteko asmoz indarrean dauden osasun-arauak "behin eta berriz urratzeagatik" identifikatzera hurbildu zaizkien ertzainei eraso egitea lepoatuta.
Zehazki, istiluak 03:30 aldera jazo dira, Bilbo Zaharra kalean, Eusko Jaurlaritzako Segurtasun Sailak ostiral honetan jakitera eman duenez. Ordu horretan, Ertzaintzaren patruila bat gazte-talde bat identifikatzera hurbildu da. Identifikatzera joan direnean, haietako batzuk oldartu egin dira eta ertzainei eraso egin diete. Hori dela eta, beharrezkoa izan da polizia-baliabide gehiagoren laguntza; izan ere, taldeko beste kide batzuk agenteak iraintzen eta inguratzen hasi dira.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.