Amaitu dituzte Zaldibarko zabortegia egonkortzeko eta egokitzeko lanak
Eusko Jaurlaritzak amaitutzat eman ditu gaur, abuztuak 31, Zaldibarko zabortegia egonkortzeko eta egokitzeko lanak, 2020ko otsailaren 6an zabortegian izandako luizi batek Alberto Sololuze eta Joaquin Beltran azpian harrapatu eta hil zituenetik 18 hilabetera.
Hala, Ekonomiaren Garapen, Jasangarritasun eta Ingurumen Sailak ohar batean nabarmendu duenez, Jaurlaritzak modu subsidiarioan "etengabe eta etenik gabe" egin ditu lan horiek azken 18 hilabete hauetan, sortu diren beharren arabera egokituz, lehentasuna desagertutako bi beharginak topatzea zela. Horrela, ingurumenean kalte berriak sortzea prebenitzeko eta zabortegia egonkortzeko lanekin batera, Joaquin Beltran (ezin izan zen aurkitu) eta Alberto Sololuze "bilatzeko lanen erritmoa arindu" egin zuten.
Maiatzaren 14an, Joaquin Beltranen bilaketa-lanak amaitutzat eman zituztenetik, egonkortze-lanak egiten jarraitu dute, eta obrak egin dituzte hondakindegiaren beheko aldean, bertan baitago biltegiratutako hondakin-masa. Jaurlaritzak azaldu duenez, honako lan hauek egin dira: zeharkako ebaki bat egin da zabortegiari eusten dion oinarrian zehar, eta aurrealdeko dike gehigarri bat jarri da, bai eta espaloi baten bidez handitu ere, dentsitate handiko materialekin.
Ekonomiaren Garapen, Jasangarritasun eta Ingurumen Sailaren esanetan, "jarduera horiei esker, gaur egun zabortegia dagoen lursaila egonkortzeaz gain, etorkizunean ere eremu horrek egonkorra izaten jarraituko du, egonkortasuna kontrolatzeko instalatutako parametroen bidez etengabe egin diren neurketek egiaztatu dutenez".
Maiatzetik orain arte, zabortegia egonkortzeko 132.000 metro kubiko material erabili dira, horietatik 40.000 dikeari dagozkio eta 90.000 kai-muturrari. Materiala ekarri eta batetik bestera eramateko, egunean batez beste 140-150 kamioi ibili dira bertan lanean.
Etorkizunean, ezingo da hondakinik jaso zabortegian, Jaurlaritzaren arabera.
Zure interesekoa izan daiteke
Kontuz GPSarekin: A-8 barne, 6 errepidek izena aldatu dute Bizkaian
Une batez, gidariek eta nabigatzaileek izen berriei ohitu beharko diete. Garai bateko Hegoaldeko Saihesbideak BI-10 izena hartuko du, eta Txorierriko korridorea BI-30 izango da orain aurrerantzean.
Osakidetzak asteon bukatuko du iraungitako dosia jaso zuten pertsonen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian kasuek gora egin ostean erabaki zuten Jaurlaritzak eta Nafarroako Gobernuak abelburuen mugikortasuna mugatzea eta behi erakusketak, idi probak eta sokamuturra bezalakoak debekatzen zituen agindua.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.
Jaiotza kopurua % 0,1 jaitsi da berriro Euskadin, bi hiruhilekotan gora egin ondoren
Lurraldeka, urtebetean % 3,2ko hazkundea izan zen Araban, 547 jaiotzarekin; Bizkaian % 4,7 jaitsi ziren, 1.616 jaiotzarekin; eta Gipuzkoan % 5,5 igo ziren, 1.129 jaiotzarekin.
Bikotekidea hiltzea egotzita atxilotutako emakumea espetxera bidaltzeko agindu du epaileak
55 urteko emakumeak Basurtuko Ospitalean jarraitzen du eta sendagiria jasotzen duenean eramango dute espetxera.
Santurtzi eta Barakaldo arteko aldirietako tren-zerbitzua eten dute, matxura baten ondorioz
Santurtzitik Barakaldorako joan-etorrian dabiltzan tren guztiek Desertu-Barakaldo geltokitik hasi eta amaituko dute ibilbidea, eta erabiltzaileek autobus zerbitzua izango dute helmugara iristeko.
Ostalaritza Eskola izango da Gipuzkoan, 2027tik aurrera
Euskadiko laugarren ostalaritza-eskola izango litzateke, Leioa, Galdakao eta Gamarrako eskolekin batera. Hezkuntza Saila Donostiako Udalarekin lanean ari non kokatu ebazteko.