Eusko Jaurlaritzak gaitzespenik irmoena egin du 'ez-jaietako' istiluen aurrean
Bingen Zupiria Eusko Jaurlaritzako bozeramaileak Jaurlaritzaren "gaitzespenik irmoena" berretsi du, Euskal Autonomia Erkidegoko hainbat udalerritan (Plentzian, esaterako) gertatu diren istiluen aurrean, "elkarbizitzaren aurkako jokabideak" direlako.
Bizkaia Irratian egindako elkarrizketa batean, Eusko Jaurlaritzako bozeramaileak esan du uda, oro har, lasaia izan dela Euskadin, baina, "lasaitasun horretan, agian istiluek garrantzi handiagoa hartu dute". Zupiriaren esanetan, istilu horiek "arauekiko eta elkarbizitzarekiko errespetu falta dira eta kezka sortzen dute".
"Jarrera irmo, argi eta zorrotzak izan beharko genituzke edozein indarkeria motaren aurrean, batez ere, erakundeetan lan egiten dugunok edo politikatik hitz egiten dugunok, eta istilu horiek kaleetan sortzen dituztenek oso argi izan beharko lukete gizartearen gehiengoak, erakundeek, sistema politikoak eta familiek ez dituztela jokabide horiek onartzen", gaineratu du.
Halaber, Euskadin bakarrik gertatzen ez den zerbait dela esan du, Estatuan eta Europan ere istiluak gertatzen direlako, eta ez dakiela "fenomeno berri bat edo forma berri bat hartu duen betiko fenomeno bat" den.
"Agian bigarrena izango da, baina guztien betebeharra da hurbiletik jarraitzea, eta egoera horien aurrean oso zorrotzak izatea", gaineratu du Zupiriak.
Zure interesekoa izan daiteke
Goiz korapilatsua Txorierriko errepideetan, Asua parean bederatzi autoren artean izandako talka baten ondorioz
Istripuaren ondorioz, bideko lau erreietatik hiru itxi behar izan dituzte puntako orduan, eta auto-ilara luzeak sortu dira inguruan: Artatzan, Arrontegin, Barakaldon eta Gurutzetan. Behin ibilgailuak bidetik kenduta, egoera bere onera itzultzen joan da. Arazoak izan dira, halaber, A8an, Kantabriarako noranzkoan, San Mames parean istripu bat izan baita. Gipuzkoarako noranzkoan, gainera, trafikoa astuna izan da.
Osakidetzako proba diagnostikoen irudiak ikusgai, Osasun Karpetaren bidez
Iaz, 592.888 herritarrek erabili zuten Osasun Karpeta eta 8,2 milioi sarbide izan zituen. Interesa dutenek irudietara sartzeko eskaera online egiteko aukera izango dute.
Eusko Jaurlaritzak 271 milioiko inbertsioa egingo du hezkuntza sistemaren eraldaketa digitala bultzatzeko
ADIMEN DIGITALA estrategiak software librean oinarritutako hezkuntza-plataforma propioa ahalbidetuko du, irakasleen prestakuntza digitala indartuko du eta euskarazko hezkuntza-edukiak sustatuko ditu.
Bilbok TAOa ezarri du Zorrotzaurreko hegoaldean, 150 aparkaleku-plaza araututa
Bizitegi-eremu horretan, egoiliarrek denbora-mugarik gabe aparkatu ahal izango dute, eta datozen urteetan 550 plaza inguru izatea aurreikusten du Udalak.
Luiziek zirkulazioa korapilatu dute N-634 eta NA-1300 errepideetan
Azken orduotako euriteek lur-jausiak eragin dituzte errepide sareko hainbat puntutan. Aipatu bi errepideak irekita daude dagoeneko, zirkulazioa txandaka bideratuta.
Gizon bat atxilotu dute Pedreñan bikotekidea hiltzea egotzita
Atxilotuak ez zuen horren salaketarik jarrita, baina aurrekariak zituen beste emakume batzuek salatutako indarkeria kasuengatik.
'Aita Mari' ontziak 32 pertsona erreskatatu ditu Mediterraneoan, bi egun noraezean zeramatzatela
Mediterraneo erdialdeko uretan topatu dute ontzia, migratzailez gainezka, "oso baldintza eskasetan". Bi egun zeramatzaten itsasoan noraezean. Erreskatatutako pertsonen artean bederatzi adingabe eta haurdun dagoen emakume bat daude.
21 urteko neska batek hankak apurtu ditu Tuteran, igogailu batean harrapatuta geratu baita
Istripua bart gertatu da, Albares kaleko eraikin bateko igogailuan. Dirudienez, emakume batek zeraman aulkitxo baten uhala igogailuaren atean trabatu da, eta hankak harrapatu dizkio. Suhiltzaileek askatu ostean, anbulantziaz eraman behar izan dute ospitalera.
Txurdinaga Behekoa Institutuko ikasle eta gurasoek Batxilergo Artistikoa ez kentzeko eskatu diote Hezkuntza Sailari
Begoña Pedrosak zuzentzen duen Hezkuntza Sailak adierazi du batxilergo hori ikasteko aukera bermatzen dela ikasleak Ibarrekolanda eta Bertendonako ikastetxeetan banatuta. Manifestarien esanetan, hezkuntza publikoaren aurkako beste eraso bat da, eta, hori dela eta, elkarrizketarako deia egin diote Eusko Jaurlaritzari.
Martxoaren 1ean Valtierran izandako zirkulazio-istripuan zauritutako 28 urteko neska hil egin da
Ezbeharra 01:19an gertatu zen, N-121 errepideko 72,28 kilometroan, Los Abetos jatetxearen bidegurutzean, bi gazte zihoazen autoa bidetik atera eta ezponda baten aurka talka egin zuenean. 20 urteko beste gazte bat ere zauritu zen ezbeharrean.