Goizeko ordutegi jarraituarekin eta eskolaz kanpoko jarduerekin ekingo diote ikasturte berriari Nafarroan
Nafarroako Haur eta Lehen Hezkuntzako ikastetxeek eskolaz kanpoko jarduerak eskainiko dituzte datorren ikasturtean, goizeko ordutegi jarraituaren ondoren, astean lau egunetan, urriaren 4tik aurrera. Gabonak arte, behintzat, goizez bakarrik izango da jardunaldia.
Hala iragarri du Carlos Gimeno Nafarroako Gobernuko Hezkuntza kontseilariak, eta "eskoletan normaltasun berrirako bidean" daudela gaineratu du. Gimenoren arabera, zuhurtziaz hartutako neurria da, "aurrera egiteko eta malgutzen" hasteko egungo egoera epidemiologikoari erantzuten diona.
Eskolaz kanpoko jarduera horiek adingabeen garapen emozionala hobetzen lagunduko dute, kontziliazioa erraztuko du eta ekonomia suspertzen lagunduko du, Gimenoren esanetan. Jarduerak astean lau arratsaldetan emango dira, laurogeita hamar minutuko iraupena izango dute, 45 minutuko bi alditan banatuta, eta, gehienez, 17:00etan amaituko dira.
Pandemiaren ondorio aldakorrak direla medio, hainbat agertoki aurreikusi behar izan zituzten iragan maiatzean. Hala, hezkuntzaren antolaketa bi une zehatzetan egokitzeko aukera jaso zuten, bata urrian eta bestea urtarrilean.
Horrela, lehen etapa honetan ordutegi jarraituaren aldeko apustua egingo da, eta abenduan egoera berriro aztertu eta erabakiak hartuko dira, Gil Sevillano Hezkuntza zuzendari nagusiak adierazi duenez.
Jantokiko ikasleen kopuruak gora
Eskola-jantokiko zerbitzuak erabiliko dituzten ikasleen kopurua handitzea aurreikusi dute, eta, ildo horretan, aurreko ikasturtean ezarritako prebentzio- eta higiene-neurri berberak mantenduko dituzte Nafarroako ikastetxeek.
Era berean, jantokian bertan dituzten espazioez gain, horretarako prestatutako beste eremu batzuk eta ikasgelak erabili ahal izango dituzte, betiere hezkuntza-jarduera presentziala antolatzeko protokoloan jasotako prebentzio- eta segurtasun-neurriak bermatuz; elkarbizitza-talde egonkorrak edo ikastetxe bakoitzeko sarrera-irteera mailakatuak mantentzea, besteak beste.
Hezkuntza Sailak 2021-2022 ikasturterako ezarritako ratio berak mantenduko ditu eta aurreikuspenen arabera, 248 irakasle beharko dira: haur eta Lehen Hezkuntzako 213 irakasle eta Bigarren Hezkuntzako 35 irakasle.
Gaur egun, Nafarroako ikasleen % 41ek du txertaketa-pauta osoa, eta % 74k dosi bat jaso du gutxienez.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.