Covid-19aren 4.700 biktimak gogoan, "tunel pandemikoa atzean uzteko itxaropena" aldarrikatu du lehendakariak
Covid-19ko biktima guztiak oroitzeko eta aintzatesteko ekitaldia egin du gaur Jaurlaritzak, Iñigo Urkullu lehendakaria buru zela. Omenaldia Gasteizko Sempervirens parkean egin dute. Euskal erakundeek egiten duten gisa honetako bigarren ekitaldia da honakoa (lehendabizikoa iazko irailean izan zen). Oraingo honetan, "itxaropena" izan du ahotan lehendakariak, Euskadiren susperraldi sozial eta ekonomikoari ekin ahalko zaiolakoan, "tunel pandemikoa atzean utzita".
Iazko ekitaldia bezala, bigarren hori Gasteizko parke horretan egin dute. Bertan dago iaz landatutako sekuoia luze edo gorria (Sequoia sempervirens), 1.200 eta 1.800 urte bitartean bizi daitekeena. Lehendakariaren hitzetan, espezie horrek "zoritxarraren aurrean konplizitatearen eta lankidetzaren indarra" irudikatzen ditu, baita "garai berri bati ekiteko itxaropena" ere.
Jaurlaritzako sailburuez gain, EAEko erakunde nagusietako ordezkariak izan ditu ondoan Urkulluk. Gogorarazi duenez, pandemia hasi zenetik 4.700 pertsona baino gehiago hil dira Euskal Autonomia Erkidegoan (EAE) izurriak jota. Guztiei "hurbiltasun, dolumin eta elkartasun sentimendua" helarazi die, baita "erakundeek eta gizarteak jasandako sufrimenduaren oroitzapenari eusteko duten borondatea" ere.
Lehendakariaren aburuz, garrantzitsua da "gizarteak pandemian erakutsitako konpromisoa eta elkartasuna bizirik mantentzea. Pandemiaren biktima bakoitzarekiko enpatia gorpuzten eta oroimenean sustraitzen laguntzen digu".
"Gaur, Sempervirens espiritua partekatzen dugu, etorkizunari itxaropenez begiratzen diogu, iraganeko esperientzia eta gehien sufritu dutenekiko elkartasuna ahaztu gabe", azpimarratu du Urkulluk.
Biktimak gogoan hartzeko ez ezik, zerbitzu publikoetako profesionalek egindako ahalegina ere gogorarazteko balio izan du ekitaldiak.
Zure interesekoa izan daiteke
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotzaz ari gara; emakumeen eta nesken salerosketak pertsonen duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Aurrerantzean, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.
Kantauri itsasoko ura 25,2 gradutan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.