Covid-19ak hildakoen memoria gordetzeko gune bat sortuko dute Bilboko Casilda Iturrizar parkean
Juan Mari Aburto Bilboko alkateak iragarri duenez, oroimenerako gune bat gordeko du Udalak Casilda Iturrizar parkean, covid-19aren biktima guztientzat. Era berean, horren hitzetan, datozen asteetan hasiko dira izapideak egiten, osasun arloko profesionalei omenaldia eta eskerrak emateko xedez, Bilboko Intermodala dagoen plazan, Basurtuko ospitaletik gertu, gune bat eskaintzeko.
Ostegun honetan, hiriaren egoerari buruzko ezohiko osoko bilkuran, Aburtok esan du pandemiak bere agintaldiaren erdialdea markatu duela, eta, udal-talde osoaren izenean, "besarkada handi bat" bidali die "gaixotasuna izan duten eta pairatzen ari diren Bilboko familia guztiei, bereziki maite duten pertsona bat galdu dutenei". "Berreskuraezinak diren galerak, une gogor eta zailak, baina betirako gure oroimenean geratuko direnak", adierazi du.
"PP, Podemos, EH Bildu, PSE-EE eta EAJ alderdietako 28 zinegotziek indarrak batu dituzue alkate honekin, eta atsedenik gabe lan egin dugu gure hiriaren eta hemen bizi eta lan egiten dugunon mesedetan", azpimarratu du, "esfortzua eta elkarlana gure bidea" izan behar dela goraipatu du, eta bide horri jarraitzeko eskatu die udal taldeei, "etorkizunean ditugun erronketarako".
Ildo horretan, udal-gobernua osatzen duten bi alderdiek (EAJ eta PSE-EE) proposatu zuten aginte-planaren erdia egitea lortu dutela jakinarazi du Aburtok. Aurreikusitako 100 ekintzen % 52 exekutatu dituzte, "eta % 100era iristeko ahaleginetan jarraituko dugu".
Aburtoren arabera, 2020an eta 2021ean, Udalak "inoizko aurrekonturik handienak" izan ditu "premiazkoari aurre egiteko, baina baita proiektu berrien oinarriak ereiteko ere, kontu onbideratuekin, zorrotz, euro bakoitza neurtuz eta ezohiko neurrietarako partidak erreserbatuz".
Datorren ekitaldirako, "bide beretik" jarraitzearen aldeko apustua egin du alkateak, Bilbo "pandemiaren aurreko mailetan" jartzeko helburuarekin. Horretarako, udal-talde guztiak behar dituela esan du, "hitz egiteko eta negoziatzeko gaitasunarekin, jokoan asko dugulako".
Zerga arloan, "presio fiskala jarduera ekonomikoari laguntzeko neurriekin orekatu" nahi dutela aurreratu du, eta, enpleguari dagokionez, berriz, "ekitaldi honen eta hurrengoaren artean pandemiaren aurreko datuak berreskuratu eta hortik hazkundearen bidera itzuli" nahi dutela esan du.
Zure interesekoa izan daiteke
Nola baloratuko da euskararen ezagutza enplegu publikoan lege berriarekin?
Eusko Legebiltzarrak onartutako lege-aldaketak aukera emango du euskararen ezagutza lanpostua eskuratu ondoren egiaztatzeko, eta sistema berri bat ezarriko du hizkuntzaren ezagutza eskatuko duten lanpostuen kopurua kalkulatzeko.
Lehen zenbaki baskonikoa aurkitu dute Irulegin, "abar", eta gaur egungo "hamar" zenbakiaren aurrekaria izan daiteke
Aranzadi Zientzia Elkarteak egin du aurkikuntza, Irulegiko baskoien kanpamenduan (Arangurengo ibarra, Nafarroa). "Abar" inskripzioa, Irulegiko eskua agertu zen etxebizitza bereko biltegi-ontzi batean aurkitu dute, eta hamar zenbakiari erreferentzia egiten diola uste dute.
Hamabost atxilotu eta hamar emakume askatu dituzte Gipuzkoan, gizakien trafikoaren aurkako operazio batean
Atxilotuak 10 emakume eta bost gizon dira. "XXI. mendeko esklabotzaz ari gara; emakumeen eta nesken salerosketak pertsonen duintasunaren eta gizateriaren beraren aurka egiten baitu", azpimarratu du Marisol Garmendia Espainiako Gobernuak EAEn duen ordezkariak.
Aurrerantzean, isunak jarriko dituzte Donostiako hondartzetan erretzeagatik
Donostian, ordenantzak debekatu egiten du tabakoa erretzea eta bozgorailuak entzungailurik gabe erabiltzea hiru hondartzetan, hau da, Kontxan, Ondarretan eta Zurriolan. Isunak mailakatuak dira: 100 eta 200 euro artekoak oharra jaso ondoren jokabidea zuzentzen bada, eta 500 eta 750 euro artekoak kasurik egiten ez den zein araua behin baino gehiagotan urratzen den kasuetan.
Garbiketa-ibilgailu batek su hartu du Bilbon, Zazpikaleak geltokiaren ondoan
Garbiketa-ibilgailu batek su hartu du gaur goizean Bilbon, Zazpikaleak metro eta Euskotren geltokiaren ondoan, San Nikolas plazatxoan. Suaren arrazoiak ez dira jakitera eman oraindik. Suhiltzaileek sua itzali dute eta ez da inor zauritu.
Baduzu ezagunik Venezuelan? Hauek dira eskura dituzun telefono zenbakiak informazioa lortzeko
Espainiako eta Venezuelako Gobernuek hainbat bide jarri dituzte herritarren eskura herrialdeko lurrikararekin lotutako laguntza emateko.
Galarretako sutea gehiago ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz Parke Naturaleko sutea itzaltzeko lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30 aldera izan da. Harekin zegoen lagun taldeak abisua eman du, urazalean dutenean. Ertzaintzak bere gain hartu du ikerketa.
Biarrizko itsasargiko erlaitza erori da, eta, ondorioz, pertsona bat hil da eta beste bat agertu barik dago
Asteazken arratsaldean Biarrizko Miramar hondartzaren eta itsasargiaren ondoan luizia izan da. Inguruan zeuden bi pertsonetako baten gorpua atera dute larrialdietako taldeek.
Kantauri itsasoko ura 25,2 gradutan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.