Laba datozen bi egunetan itsasora heltzea baztertu dute
Maria Jose Blanco Institutu Geografiko Nazionaleko (IGN) zuzendariak azaldu duenez, La Palmako Cumbre Vieja sumendiak leherketak, deformazioen abiadura egonkorra eta sismikotasun txikia mantentzen ditu.Jarraitu zuzenean erupzioa, hemen.
Pevolca zientzialari batzordearen berri emateko prentsaurrekoan, laba kolada bat ia gelditu dela esan du Blancok (iparralderago dagoena), eta bestea "oso geldo" aurrera egiten ari dela, 4 metro orduko abiaduran. Hori gertatzea normala da, isurketa puntutik urruntzen diren heinean; izan ere, materiala arrastaka eramateaz gain, zertxobait hoztu eta topografiara egokitu behar dira.
Labaren aurrealdeak 500 metro inguru ditu, eta tarte batzuetan 12 bat metroko garaiera, eta sumendiaren gas zutabeek 4.500 metroko altuera harrapatu dute.
Euri azidorik "ez da espero"
Alisioen eraginez euri azidorik "ez da espero", adierazi du Blancok, eta airearen kalitatea ona da. Bestalde, labaren moteltasuna ikusita, ostegunean eta ostiralean itsasora ez dela helduko ziurtatu du.
Isurketa ez dela eten erantsi du, "eta berdin jarraitzen du". Horrela, 26 milioi metro kubiko laba bota ditu dagoeneko.
Arrakala motako erupzio batean, isurketa puntu ezberdinak izan ohi dira, eta kono bat eraikitzen dutenean, gasa pilatu eta "bat-batean askatzen da"; eta leherketak gertatzen dira, azken egunetan jazotakoak bezala.
Zentzu horretan, datozen egunetan leherketek jarraituko dutela azpimarratu du. Azkenik, isurketa puntu berriak (ahoak) sortzea ez du baztertu.
Sumenditik ateratzen ari den labak 166 hektarea estali eta 350 eraikin suntsitu ditu, igandean erupzioa hasi zenetik, Europar Batasuneko Copernicus programak satelite bidez egiten ari den jarraipenaren arabera.
Horrela, duela 36 ordu baino 14 hektarea gehiago hartu ditu labak jadanik. Era berean, asteartearekin alderatuta, 30 eraikin gehiago txikitu ditu.
Uharteko semaforo bolkanikoak gorri jarraitzen du, larrialdi egoeran, eta erupzio prozesuak aurrera ere.
La Palmako aireportuak zabalik jarraitzen du
Oraingoz, La Palmako aireportuak zabalik jarraitzen du, baina dagoeneko uharte arteko sei hegaldi atzeratu behar izan dituzte.
La Palmako aireportu inguruan, aireko bi eremu mugatzeko eskatu dio Espainiako Gobernuak Kanarietan duen Ordezkaritzak Enaireri, larrialdi operazioak errazteko, aire nabigazio kudeatzaileko iturriek jakitera eman dutenez.
Horrela, zonalde horiek Estatuko segurtasun indarrek, larrialdi zerbitzuek, Estatuko hegazkinek eta baimenduek bakarrik erabili ahal izango dute. Hala ere, neurriak ez die hegazkin komertzialei eragingo.
La Palmako biztanleek ez dute une honetan arnasten duten aireaz kezkatu behar, ez baita kaltegarria osasunerako. Larrialdietako Unitate Militarra airearen kalitatea neurtzeko egiten ari den azterketa guztiek emaitza negatiboak ematen dituzte.
Sumendiak isurtzen dituen gasak kaltegarriak izan daitezke pertsonentzat, eta atmosferatik Euskal Herrira iritsiko dira, Copernicus Atmosferaren Zainketa Zerbitzuaren aurreikuspenen arabera.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.