Palestinako Estatuaren aitortza erdigunean dela abiatuko da NBEren 80. Batzar Nagusian
Erresuma Batuak, Kanadak, Australiak, Portugalek eta Frantziak aitortu dute ofizialki Palestinako Estatua, goi-bileraren bezperan. Horren aurrean, Benjamin Netanyahu Israelgo lehen ministroak esan du ez dela inolaz ere Palestinako Estaturik egongo, eta Bezalel Smotrich zein Itamar Ben Gvir Israelgo ministroek Zisjordania anexionatzea proposatu dute, Palestinako Estatua aitortzeko erabakiei erantzuteko.
NBEren Batzar Nagusiaren artxiboko irudia. Argazkia: Wikipedia
Astearte honetan hasiko da, New Yorken, urtero munduko buruzagi nagusiak biltzen dituen Nazio Batuen Erakundearen Batzar Nagusia. 80. edizioa polemikaz zipriztinduta iritsi da, abuztu amaieran AEBko Gobernuak erabaki baitzuen Mahmud Abbas presidente palestinarrari eta 80 funtzionario palestinarri Nazio Batuen Batzar Nagusian parte hartzen ez uztea, eta nazioartearen protestak gorabehera, ez du atzera egin erabaki horretan.
Nolanahi ere, Varsen Aghabekian Palestinako Aginte Nazionaleko Atzerri ministroa itxaropentsu agertu da Batzar Nagusia hasi baino lehen, "aste gogoangarria eta esanguratsua" izango delako, hainbat herrialdek Palestinako Estatua onartzea espero baita.
Aghabekianen ustez, Mendebaldeko potentzia handiek, hala nola Erresuma Batuak, Kanadak eta Australiak, ekimen horrekin bat egiteak "itxaropen mezu bat helarazten dio herri palestinarrari", Israelgo Armada Gazako hiriaren inbasioan murgilduta dagoen bitartean, bertako biztanle guztiak hegoaldera mugitzera behartuta.
"Okupazioa da eskualdeko ezegonkortasunaren eta herri palestinarraren sufrimenduaren funtsezko arrazoia", esan du, eta bi Estaturen aldeko apustua berretsi du.
Testuinguru horretan, Keir Stermar Erresuma Batuko lehen ministroak Palestinako Estatua onartu du ofizialki gaur arratsaldeko lehen orduan, eta gauza bera egin dute Kanadak, Australiak eta Portugalek ere. Hala, mundu osoko 150 herrialdek baino gehiagok onartzen dute Palestinako Estatua. Gaurko erabakiarekin, Palestinako Estatua aitortu duten G7ko lehen herrialdeak dira Erresuma Batua eta Kanada. Astelehenean bertan, Frantziak gauza bera egin du.
Analista askoren ustez, Palestinako Estatua aitortzeak ez du Israel Gazan egiten ari den erasoa geldituko, baina are nabarmenago utziko du AEBren eta Israelen bakardadea. Izan ere, gobernu ultraeskuindarren (Hungaria eta Argentina, besteak beste) eta Pazifikoko hainbat estatu txikiren babesa bakarrik dute.
AEBko hainbat kongresistak "zigorrak" jartzeko mehatxua egin diete Palestinako Estatua onartzen duten herrialdeei
Ameriketako Estatu Batuetako Alderdi Errepublikanoko 25 kongresistak gutun bat bidali diete Frantziari, Kanadari, Erresuma Batuari eta Australiari, NBEren Batzar Nagusian Palestinako Estatua aitortzeko asmoa dutela iragarri baitute.
Kongresista horien esanetan, erabaki hori "terrorismoarentzako saria" da, eta "zigor neurriak" hartuko dituztela ohartarazi dute.
Netanyahuk esan du Palestinako Estatua onartzearen aurka borrokatuko dela
"Nazioarteak datozen egunetan entzungo gaitu", ohartarazi du Israelgo lehen ministroak NBEren bilerara joan aurretik.
Netanyahu "egia" defendatzera igoko da berriro Batzar Nagusiko atrilera, eta bere estrategia defendatuko du: "bakea indarra baliatuz lortzea".
"Ez da estatu palestinarrik egongo", ohartarazi du, eta Palestinaren kolonizazio proiektuekin jarraituko dutela azpimarratu du.
"Mezu argia dut urriaren 7ko sarraskiaren ondoren Palestinako Estatua aitortzen duten buruzagientzat: terrorismoari sari handia ematen ari zarete", adierazi du Netanyahuk sare sozialetan argitaratutako bideo batean.
"Ez da gertatuko. Jordan mendebaldean ez da estatu palestinarrik egongo", gaineratu du Israelgo agintariak Londres, Ottawa eta Canberraren iragarpenari erantzunez.
Israelek "Judeako eta Samariako (Zisjordania) kolonoguneak bikoiztu ditu eta bide horretatik jarraituko dugu", nabarmendu du.
"Gure lurraren bihotzean estatu terrorista bat inposatzeko saiakera berri honi erantzuna Estatu Batuetatik itzultzen denean emango zaio. Itxaron", gaineratu du.
Bestalde, Bezalel Smotrich eta Itamar Ben Gvir buruzagi ultranazionalista eta ministro israeldarrek Israelek Zisjordania formalki anexionatzea planteatu dute igande honetan, Palestinako Estatua aitortzeko azken iragarpenei erantzuteko.
Smotrich Finantza ministro eta Alderdi Nazional Erlijiosoa-Sionismo Erlijiosoko buruak X sarean duen kontuan adierazi duenez, "Israelen aurkako maniobraren erantzun bakarra Judean eta Samarian (Zisjordania) herri juduaren aberriaren gaineko subiranotasuna hartzea eta Palestinako Estatuaren ideia zentzugabea behin betiko ezabatzea da".
Hala, hori egiteko eskatu dio, zuzenean, Likud alderdiko Benjamin Netanyahu Israelgo lehen ministroari: "Lehen ministro jauna, unea orain da, eta zure esku dago".
Ministroak azpimarratu du Zisjordania anexionatzeko proposamen zehatz bat aurkezteko asmoa duela Israelgo Ministroen Kontseiluaren hurrengo bileran.
Israel
Netanyahuk esan du ez dela Palestinako Estaturik egongo, eta Palestina onartzen duten herrialdeak mehatxatu ditu
Benjamin Netanyahu Israelgo lehen ministroaren esanetan, ez da Palestinako Estaturik egongo, eta Erresuma Batuak, Kanadak, Australiak eta Portugalek iragarpena egin ondoren, Palestina onartzen duten herrialdeak mehatxatu ditu .
"Ez da estatu palestinarrik egongo", ohartarazi du, eta Palestinaren kolonizazio proiektuekin jarraituko dutela azpimarratu du.
"Mezu argia dut urriaren 7ko sarraskiaren ondoren estatu palestinarra aitortzen duten buruzagientzat: terrorismoari sari handia ematen ari zarete", adierazi du Netanyahuk sare sozialetan argitaratutako bideo batean.
"Ez da gertatuko. Jordan mendebaldean ez da estatu palestinarrik egongo ", gaineratu du Israelgo agintariak Londres, Ottawa eta Canberraren iragarpenari emandako lehen erantzunean.
Israelek "Judeako eta Samariako (Zisjordania) asentamendu juduak bikoiztu ditu eta bide horretatik jarraituko dugu", nabarmendu du.
"Gure lurraren bihotzean estatu terrorista bat inposatzeko saiakera berri honi erantzuna Estatu Batuetatik itzultzen denean emango zaio. Itxaron", gaineratu du.
Bestalde, Bezalel Smotrich eta Itamar Ben Gvir buruzagi ultranazionalista eta ministro israeldarrek Israelek Zisjordania formalki anexionatzea planteatu dute igande honetan, Palestinako Estatuaren azken onarpenei erantzuteko.
Smotrich Finantza ministro eta Alderdi Nazional Erlijiosoa-Sionismo Erlijiosoko buruak X sarean duen kontuan adierazi duenez, "Israelen aurkako maniobraren erantzun bakarra Judean eta Samarian (Zisjordania) herri juduaren aberriaren gaineko subiranotasuna hartzea eta Palestinako Estatuaren ideia zentzugabea behin betiko ezabatzea da".
Hala, hori egiteko eskatu dio, zuzenean, Likud alderdiko Benjamin Netanyahu Israelgo lehen ministroari: "Lehen ministro jauna, unea orain da, eta zure esku dago".
Ministroak azpimarratu du Zisjordania anexionatzeko proposamen zehatz bat aurkezteko asmoa duela Israelgo Ministroen Kontseiluaren hurrengo bileran.
Zure interesekoa izan daiteke
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.