Palestinako estatua sortzearen alde egin du NBEren Batzar Nagusiak gehiengo zabalaz
Bozketa ez da loteslea, baina estatu palestinarra sortzeak duen babesa neurtzeko balio du. AEBri gero eta gehiago kostatzen zaio horren kontrako jarrera babestuko duten herrialdeak aurkitzea.
Ekialde Hurbilean bi estatu, Israel eta Palestina, sortzeko konponbidearen alde egin du asteazken honetan Nazio Batuen Erakundearen Batzar Nagusiak. Ohi bezala, Israel, AEB, Hungaria, Argentina, Paraguai eta Pazifikoko uharte txikiak kontra agertu dira.
142 estatuk eman dute aldeko botoa, 10ek kontra egin dute eta 12 abstentzio izan dira. Erresuma Batuak, Frantziak, Kanadak eta Australiak ebazpena babestu dute oraingoan. Azken hilabeteotan orain arteko jarrera aldatu eta Palestinako estatua onartzeko prest daudela adierazi dute.
Europar Batasunean desadostasunak daude estatuen artean. Hala, Hungariak kontra bozkatu du, Txekiako Errepublika abstenitu egin da eta Israelen ohiko aliatuak izan diren Alemaniak eta Herbehereek alde bozkatu dute.
Batzar Nagusiaren bozketak ez dira lotesleak, eta, beraz, esanahia sinbolikoa baino ez da, baina hainbat gaik izan dezaketen babesa neurtzeko balio dute. Kasu honetan, Palestinako estatua sortzeak gero eta babes handiagoa du estatu kideen artean, eta AEBko Gobernuari gero eta gehiago kostatzen zaio horren kontrako jarrera babestuko duten herriak aurkitzea.
Ostiral honetan bozkatu den adierazpena, New Yorkeko Adierazpena, Frantziak eta Saudi Arabiak uztailaren 29an antolatutako goi-mailako konferentzia batean onartu zuten.
Irailaren 22ko astean jarraituko dute honi buruz hitz egiten, eta Mendebaldeko potentzia handi batzuek aste horretan Palestinako estatua onartzeko urratsa emango dutela iragarri dute.
Zure interesekoa izan daiteke
AEBk Kuwaiten duen base militar baten aurkako erasoa aldarrikatu du Iranek
Irakeko Gobernuak ukatu egin du bere lurraldearen barruan erasoak baimendu izana, Estatu Batuetako presidenteak aste honetan ziurtatu ostean Saudi Arabiarekin batera eta Irakekin koordinatuta egin zituztela erasoak. Bestalde, Itsaso Gorria babesteko nazioarteko koalizio baten sorrera iragarri du Saudi Arabiak.
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.
Kolonoek izua zabaltzen jarraitzen dute, Israelgo Gobernuak Zisjordaniaren aurkako setioa larriagotzen duen bitartean
Israel Katz Israelgo Defentsa ministroak iragarri du "terrorismoaren aurkako" operazioak datozen asteetan ere luzatuko direla. Palestinako Aginte Nazionalak "premiazko nazioarteko interbentzioa" eskatu du.